الماتىدا اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان سوتتىڭ سۋدياسى سىبايلاس جەمقورلىققا قاتىسى بار دەگەن كۇدىككە ءىلىندى. ۇلتتىق قاۋىپسىزدىك كوميتەتى بۇل اقپاراتتى راستادى, دەپ حابارلايدى Egemen.kz.
بۇعان دەيىن جەلىدە الماتىدا اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان سوتتىڭ سۋدياسى پارا الىپ جاتقان جەرىنەن ۇستالعانى تۋرالى اقپارات پايدا بولعان ەدى.
ۇلتتىق قاۋىپسىزدىك كوميتەتى سۋديانىڭ پارا الدى جانە الاياقتىق جاسادى دەگەن كۇدىككە ىلىنگەنىن حابارلادى.
«سۇراۋدا كورسەتىلگەن ادامعا قاتىستى ۇقك قر قىلمىستىق كودەكسىنىڭ 366 («پارا الۋ») جانە 190 («الاياقتىق») باپتارى بويىنشا سوتالدى تەرگەۋ جۇرگىزىپ جاتقانىن حابارلايمىز», دەپ جاۋاپ بەردى ۇقك.