قارجىلىق مونيتورينگ اگەنتتىگى ۇلىتاۋ وبلىسى تابيعي رەسۋرستار باسقارماسى باسشىسىنىڭ وكىلەتتى قىزمەتىن تەكسەرۋ بارىسىندا زاڭسىزدىققا جول بەرگەنىن انىقتادى, دەپ جازادى Egemen.kz.
تەرگەۋ بارىسىندا «جەزدى وزەنىن ساناتسيالاۋ» جۇمىستارى ءتيىستى دەڭگەيدە جۇرگىزىلمەگەنى بەلگىلى بولدى.
وبلىستىڭ تابيعي رەسۋرستار باسقارماسىنىڭ باسشىسى ءىس جۇزىندە جاسالماعان جۇمىستاردىڭ اكتىلەرىنە قول قويعان. قۇرىلىس وبەكتىسىن تەكسەرمەي-اق تەحنيكالىق جانە اۆتورلىق قاداعالاۋشىلار دا ورىندالعان جۇمىستاردىڭ اكتىلەرىنە قول قويىپ بەرگەن.
«جەزدى وزەنىن ساناتسيالاۋ» جوباسىندا قۇرىلىس نورمالارى بۇزىلىپ, جوبالاۋ تالاپتارى ەسكەرىلمەگەن. بۇل ولقىلىقتار وزەن ارناسىنىڭ سۋ كولەمىن وتكىزۋ قابىلەتىن ازايتقان.
شەنەۋنىكتەردىڭ وسىنداي قىلمىستىق ارەكەتىنىڭ سالدارىنان كوكتەمگى سۋ تاسقىنى كەزىندە جەزدى اۋىلىنداعى 10 جەكە تۇرىن ءۇي سۋ استىندا قالعان. سول كەزەڭدە اۋىلدىڭ 108 ادامىن, ونىڭ ىشىندە 56 بالانى ەۆاكۋاتسيالاۋعا تۋرا كەلگەن.
قارجىلىق مونيتورينگ اگەنتتىگى قىلمىستىق ءىستىڭ سوتقا جولدانعانىن حابارلادى.