ەلوردادا ساباق ۋاقىتىندا ۇيالى تەلەفوننان باس تارتقان مەكتەپتەر سانى 24-كە جەتكەن. وقۋشىلار تەلەفوندارىن ءبىرىنشى ساباقتىڭ الدىندا ارنايى ۇياشىققا سالىپ قويادى, دەپ جازادى Egemen.kz.
قالالىق ءبىلىم باسقارماسىنان حابارلانعانداي, بىرقاتار مەكتەپتەردە «سمارتفونسىز مەكتەپ» جوباسى ىسكە اسىرىلىپ جاتىر. اتاپ ايتقاندا, №1, №4, №7, №8, №17, №18, №25, №28, №29, №32, №34, №43, №46, №48, №52, №58, №70, №73, №76, №77, №87, №93, №103, №108 مەكتەپتەرى, بارلىعى 24 ءبىلىم وشاعى.
مامانداردىڭ ايتۋىنشا, بۇل – وقۋشىلاردىڭ ويلاۋ قابىلەتىنە جانە پسيحولوگيالىق دەنساۋلىعىنا وڭ اسەر ەتەدى.
وسىعان دەيىن استانادا اباي اتىنداعى №87 مەكتەپ-گيمنازياسىنىڭ وقۋشىلارى بۋللينگكە قارسى تۇرۋ ماقساتىندا ۇيالى تەلەفوندى پايدالانۋدان ءبىرجولا باس تارتقانىن جازعانبىز.
ايتا كەتسەك, مەملەكەت باسشىسى وقۋشىلاردىڭ ساباق كەزىندە تەلەفون ۇستاۋىنا تىيىم سالاتىن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءبىلىم بەرۋ, تالىمگەرلىك جانە بالالاردىڭ قاۋىپسىزدىگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنا قول قويعان بولاتىن.