قازاقستاننىڭ ىشكى ىستەر مينيسترلىگى موپەدتەردى تىركەۋگە قاجەتتى قۇجاتتار ءتىزىمىن جاريالادى. ءتيىستى تۇزەتۋلەر جوباسى 4 قاراشاعا دەيىن «اشىق نقا» پورتالىنا تالقىلاۋعا جىبەرىلدى, دەپ جازادى Egemen.kz.
موپەدتەردى تىركەۋ ءۇشىن ولاردىڭ يەلەرى (مەنشىك يەلەرىنىڭ وكىلدەرى) مىنالاردى ۇسىنادى:
جەكە باسىن كۋالاندىراتىن قۇجات (جەكە سايكەستەندىرۋ ءۇشىن) نەمەسە تسيفرلىق قۇجاتتاما قىزمەتىنەن ەلەكتروندى تۇردە; سالىق كودەكسىنىڭ 553 جانە 615-باپتارىندا كوزدەلگەن ستتس, گرنز بەرگەنى ءۇشىن تىركەۋ الىمى مەن مەملەكەتتىك باجدىڭ تولەنگەنىن راستايتىن قۇجاتتار; ەگەر بار بولسا, تەحنيكالىق قۇجات نەمەسە اشىق اقپارات كوزدەرىنەن بەرىلگەن موپەدتىڭ تەحنيكالىق سيپاتتامالارى تۋرالى اقپارات;يەسىنىڭ مالىمدەمەسى; وسى قاعيدالارعا 12-قوسىمشاعا سايكەس كولىك قۇرالىن تەكسەرۋ اكتىسى (كولىك قۇرالىن باستاپقى تىركەۋ كەزىندە).موپەد راماسىنىڭ ءنومىرى بولماعان جاعدايدا, سايكەستەندىرۋ ءنومىرىن تىركەۋگە دەيىن موپەد يەسىنىڭ ءوتىنىشى بويىنشا ۋاكىلەتتى ورگان بەرەدى.