شىمكەنتتە دارىگەرلەر جۇرەگى توقتاپ قالعان جۇكتى ايەل مەن ونىڭ ءسابيىن امان الىپ قالدى, دەپ حابارلايدى Egemen.kz قر دەنساۋلىق ساقتاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
قاتەرلى جاعدايدا بولعان ايەل قالاداعى №2 اۋرۋحانانىڭ پەرزەنتحانا بولىمىنە شۇعىل جەتكىزىلگەن.
«جۇكتى ايەل اۋرۋحاناعا قاتتى قان كەتۋمەن جانە ءۇشىنشى دارەجەلى گەمورراگيالىق شوك جاعدايىندا ءتۇستى. وپەراتسيا ۇستەلىندە ونىڭ جۇرەگى توقتاپ قالدى, بىراق انەستەزيولوگتار, اكۋشەر-گينەكولوگتار, وپەراتسيالىق مەدبيكەلەر جانە ترانسفۋزيولوگتاردان تۇراتىن دارىگەرلەر توبىنىڭ ۇيلەسىمدى جانە كاسىبي ارەكەتتەرىنىڭ ارقاسىندا ونى امان الىپ قالدى. قان كەتۋدى توقتاتۋ ءۇشىن وپەراتسيا جاسالدى, ناتيجەسىندە ناۋقاستىڭ ومىرىنە تونگەن قاۋىپ جويىلدى», دەلىنگەن حابارلامادا.
دارىگەرلەردىڭ ايتۋىنشا, اناسى مەن ءسابيىنىڭ جاعدايى تۇراقتى جانە ولار جاقىندا ۇيىنە شىعارىلادى.