الماتى قالاسىنىڭ پروكۋراتۋراسى ەسىرتكى مەن پسيحوتروپتىق زاتتاردى جارنامالاپ, تاراتۋمەن اينالىسقان 16 Telegram-ارنانى بۇعاتتادى, دەپ جازادى Egemen.kz.
تەكسەرۋ بارىسىندا تىيىم سالىنعان زاتتاردى ساتىپ الۋشىلارعا «تاراتۋشى» جۇمىسى دا ۇسىنىلعانى انىقتالدى. ناتيجەسىندە سوت مەدەۋ اۋدانى پروكۋرورىنىڭ تىيىم سالىنعان رەسۋرستاردى بۇعاتتاۋ تۋرالى تالابىن ورىندادى.
زاڭسىز ىسپەن اينالىسقان Telegram-ارنالاردىڭ قىزمەتى توقتاتىلدى. كىنالىلەردى جاۋاپكەرشىلىككە تارتۋ ماقساتىندا قاداعالاۋ ورگانى قىلمىستىق كودەكستىڭ 299-1-بابى 1-بولىگى بويىنشا سوتقا دەيىنگى تەرگەپ-تەكسەرۋدى جالعاستىرۋ ءۇشىن پوليتسياعا جولدادى.