پاۆلودار وبلىسىندا «قۇقىقتىق تارتىپ» جەدەل-پروفيلاكتيكالىق ءىس-شاراسى ءوتىپ جاتىر. وسى تۇستا پوليتسەيلەر اكىمشىلىك قۇقىقتى بۇزعان 300-دەن استام ادامدى انىقتادى, دەپ جازادى Egemen.kz
ونىڭ ىشىندە كوشى-قون زاڭناماسىن 81 ادام بۇزسا, قوعامدىق ورىنداردا سپيرتتىك ىشىمدىك ىشكەن 51 تۇرعىن, ۇساق بۇزاقىلىق جاساعان 23 ازامات, جول ءجۇرۋ ەرەجەلەرىن بۇزعان 13 جاياۋ جۇرگىنشى مەن ماس كۇيىندە كولىك جۇرگىزگەن 4 جۇرگىزۋشى ۇستالدى.
ماسەلەن, قالاداعى ۇيلەردىڭ ءبىرىنىڭ اۋلاسىندا الكوگول ىشكەن ەكى جاس قولعا تۇسكەن. كوشەدە ىشىمدىك ىشكەنى ءۇشىن قۇقىق بۇزۋشىلار 5 اەك مولشەرىندە ايىپپۇل تۇرىندە جاۋاپقا تارتىلعان.
«قولدانىستاعى زاڭناماعا سايكەس بارلىق قۇقىق بۇزۋشى جاۋاپقا تارتىلدى. بۇدان باسقا, 65 ادام ۋاقىتشا بەيىمدەۋ جانە ۇستاۋ ورتالىعىنا ورنالاستىرىلدى», دەدى پاۆلودار وبلىسى پد جەرگىلىكتى پوليتسيا قىزمەتىنىڭ باستىعى قۋانىش مۇستافينوۆ.