تۇركىستان وبلىسىندا پوليتسەيلەر كۇدىك تۋعىزعان كولىكتى تەكسەرۋ كەزىندە براكونەرلەردەن 16 اقبوكەننىڭ ۇشاسىن جانە ءتۇرلى قارۋ-جاراق تاركىلەگەن, دەپ حابارلايدى Egemen.kz.
Polisia.kz-ءتىڭ ءمالىم ەتۋىنشە, كۇماندى Toyota Land Cruizer كولىگى, 16 اقبوكەننىڭ ۇشاسى جانە 13 باس بولىگى, 2 پىشاق, 58 اڭشى مىلتىعىنىڭ وعى, ءدۇربى, اڭشى مىلتىعى, 12 كاليبرى ەكى ۇڭعىلى 2 مىلتىق, 4 جارىقتاندىرعىش زاتتاي دالەلدەمە رەتىندە تاركىلەنىپ الىنعان. ءتيىستى ساراپتاما تاعايىندالدى.
كولىكتە كۇدىككە ىلىنگەن 4 ەر ادام پوليتسيا بولىمىنە جەتكىزىلدى. ولار جامبىل وبلىسى تۇرعىندارى بولىپ شىقتى. وقيعانىڭ ءمان-جايى انىقتالىپ جاتىر.