وقيعا 14 قازان كۇنى شىمكەنتتە بولعان, دەپ حابارلايدى Egemen.kz.
دانەكەرلەۋشى ەرماحان مانقاراەۆ شاقىرتۋ بويىنشا پاتەرگە كەلىپ, گاز جابدىعىن تەكسەرۋ بارىسىندا كومىرتەگى توتىعىنىڭ قاۋىپتى دەڭگەيىن انىقتاپ, دەرەۋ شارا قولدانا باستاعان. جۇمىس بارىسىندا ول كورشى پاتەر جاقتان شىعىپ جاتقان تالماۋسىراعان ءالسىز داۋىستى ەستىگەن. قوسالقى كىلت ارقىلى ەسىكتى اشىپ كىرگەن كەزدە ەس-ءتۇسسىز جاتقان بالالاردى جانە اۋىر حالدەگى انانى كورگەن. ول قۇرىلعىلاردى بىردەن اجىراتىپ, تەرەزەلەردى اشىپ, تىنىسى جوعالعان ۇلدارعا جانساقتاۋ ارەكەتتەرىن, جاناما جۇرەك ماسساجىن جاساي باستاعان.
وسىلايشا, دانەكەرلەۋشى ساۋاتتى ارەكەتتەرىمەن قايعىلى جاعدايدىڭ الدىن العان. وتباسى اۋرۋحاناعا كومىرتەگى توتىعىمەن اۋىر ۋلانۋمەن تۇسكەن.
قالا اكىمى عابيت سىزدىقبەكوۆ گاز سالاسى مامانىنىڭ باتىلدىعى مەن كاسىبيلىگىن اتاپ, ونى ماراپاتتادى.