الماتى پوليتسەيلەرى جەكە ۇيلەردىڭ بىرىندە 50 جاشىككە 4,5 مىڭعا جۋىق اقبوكەن ءمۇيىزىن ساقتاعان قىتاي ازاماتىن ۇستادى, دەپ حابارلايدى Egemen.kz.
ارنايى وپەراتسيانى كيبەرپول قىزمەتكەرلەرى جۇرگىزگەن. ۇستالعان 58 جاستاعى ەر ادام الماتى وبلىسىنان اقبوكەن ءمۇيىزىن ساتىپ الىپ, ونى قىتايعا ەمدىك ماقساتتا پايدالانۋ ءۇشىن تاسىمالداماق بولعان.
«اقبوكەندى زاڭسىز جويۋ, سونداي-اق ونى نەمەسە ونىڭ دەريۆاتتارىن, ونىڭ ىشىندە مۇيىزدەرىن الۋ, ساقتاۋ, وتكىزۋ, يمپورتتاۋ, كىرگىزۋ, جونەلتۋ, تاسىمالداۋ دەرەكتەرى بويىنشا قىلمىستىق ءىس قوزعالدى. اقبوكەن مۇيىزدەرىن ساتۋ ارناسى انىقتالىپ جاتىر», دەدى الماتى قالالىق پد كريمينالدىق پوليتسيا باسقارماسىنىڭ باستىعى, پوليتسيا پولكوۆنيگى تالانت يساەۆ.