№86 «شىمكەنت – استانا» باعىتىنداعى جولاۋشىلار پويىزىندا ءسابي دۇنيەگە كەلدى, دەپ جازادى Egemen.kz.
«جولاۋشىلار تاسىمالى» اق كومپانياسىنىڭ حابارلاۋىنشا, كەلىنشەك جولداسىمەن بىرگە جۇكتىلىكتىڭ توعىزىنشى ايىندا استاناعا جولعا شىققان.
21 قازاننان 22-سىنە قاراعان ءتۇنى جۇكتى جولاۋشىنىڭ تولعاعى باستالعان.
«تۇنگى 23:30 شاماسىندا كەلىنشەكتىڭ كۇيەۋى جولسەرىكتەردەن كومەك سۇراعان. پويىز باستىعى گۇلشات قاراقۇلوۆا مەن جولسەرىك انارا ادامباەۆا قاجەت كومەكتى كورسەتىپ, جۇكتى كەلىنشەك امان-ەسەن بوسانعان. 23:55-تە دەنى ساۋ قىز دۇنيەگە كەلگەن», دەلىنگەن كومپانيا حابارلاماسىندا.
نۇسقاما بويىنشا جولسەرىك جاقىن ماڭداعى سارى-شاعان ستانتسياسىنا جەدەل جاردەم شاقىرتقان. پويىز مەجەلى جەرگە جەتكەندە جاس بوسانعان انا ءسابيى, جولداسىمەن بىرگە مەديتسينالىق ورتالىققا جەتكىزىلگەن.
«جولاۋشىلار تاسىمالى» اق كومپانياسى پويىز جولسەرىكتەرى ادەتتەن تىس جاعدايلاردا العاشقى مەديتسينالىق كومەك كورسەتە ءبىلۋ ءۇشىن ءجيى وقۋ-جاتتىعۋدان وتەتىنىن ايتتى.