برازيليا پرەزيدەنتى لۋيس يناسيۋ لۋلا دا سيلۆا سەنبى كۇنى رەزيدەنتسياسىندا بولعان وقىس وقيعا سالدارىنان باسىنان جاراقات العان, دەپ حابارلايدى Egemen.kz.
G1 پورتالىنىڭ حابارلاۋىنشا, ونىڭ 20 قازاندا ءوتۋى ءتيىس رەسەيگە جوسپارلانعان ساپارى مەديتسينالىق ۇسىنىستارعا بايلانىستى توقتاتىلعان. لۋلا دا سيلۆا كەلەسى اپتادا بەينەكونفەرەنتسيا ارقىلى بريكس سامميتىنە قاتىساتىنى حابارلاندى.
ايتا كەتەيىك, جاريالانعان مەديتسينالىق بيۋللەتەنگە سايكەس, لۋلا دا سيلۆا استاناداعى سيريو ليبانەس اۋرۋحاناسىنا «جەلكە ايماعىنداعى جاراقات» دياگنوزىمەن تۇسكەن. دارىگەرلەردىڭ ايتۋىنشا, پرەزيدەنتتىڭ جاعدايى اۋىر ەمەس, بىراق كارديولوگ روبەرتو كاليل فيلو وعان ۇزاق ساپارعا شىعۋدان باس تارتۋعا كەڭەس بەرگەن.
78 جاستاعى لۋلا دا سيلۆا دارىگەرلەردىڭ باقىلاۋىمەن باسقا قىزمەتتەرىن اتقارا الاتىنى اتاپ ءوتىلدى.
برازيليا پرەزيدەنتى جەكسەنبى كۇنى تۇستەن كەيىن ەلورداداعى اۆيابازادان ۇشىپ شىعۋى كەرەك بولعان. رەسەيدەگى ءىس-شارالار سەيسەنبى, 22 قازانعا جوسپارلانعان. ساپار باعدارلاماسىنا رەسەي پرەزيدەنتى ۆلاديمير پۋتينمەن جانە قىتاي توراعاسى سي تسزينپينمەن ەكىجاقتى كەزدەسۋلەر ەنگىزىلگەن.