بۇل تۋرالى ءتيىستى مينيسترلىكتەن ءمالىم بولدى, دەپ حابارلايدى Egemen.kz.
قىزىلوردا وبلىسىنىڭ شارۋالارى سۋ ۇنەمدەۋ تەحنولوگيالارىن ەنگىزۋدىڭ ناتيجەسىندە 200 ملن تەكشە مەترگە جۋىق سۋ ۇنەمدەپ, اتالعان سۋ ارال تەڭىزىنە جىبەرىلدى. ايتا كەتسەك, وبلىستا كۇرىش القاپتارى جالپى 84 مىڭ گەكتاردى قۇرايدى, ونىڭ 55 مىڭ گەكتارىنا بيىل ءوڭىر ديقاندارى سۋ ۇنەمدەۋ تەحنولوگيالارىن قولداندى.وسىلايشا, 2024 جىلعى سۋارۋ ماۋسىمىندا تەڭىزگە شامامەن 1 ملرد تەكشە مەتر سۋ جىبەرىلدى, بۇل بىلتىرعى جىلمەن سالىستىرعاندا 3 ەسە كوپ.جىل باسىنان بەرى سولتۇستىك ارالعا شامامەن 2 ملرد تەكشە مەتر سۋ جىبەرىلگەن. بۇگىندە تەڭىزدەگى سۋدىڭ جالپى كولەمى 22 ميلليارد تەكشە مەترگە جەتتى.
«سۋ ديپلوماتياسى مەن ورتالىق ازياداعى ارىپتەستەرىمىزبەن تىعىز جۇمىستان بولەك, ارال تەڭىزىنە سۋ جىبەرۋگە ۇنەمدى تەحنولوگيالاردى ەنگىزۋ دە ماڭىزدى ءرول اتقارادى. ولاردى قولدانۋ جۇزدەگەن ملن تەكشە مەتر سۋ ۇنەمدەۋگە جانە ونى تەڭىزگە باعىتتاۋعا مۇمكىندىك بەرەدى. ول ءۇشىن ءبىز شارۋالاردىڭ سۋ ۇنەمدەۋ تەحنولوگيالارىن ەنگىزۋگە جۇمساعان شىعىندارىن سۋبسيديالاۋ كولەمىن 50%-دان 80%-عا دەيىن ۇلعايتتىق. الداعى ءۇش جىلدا سۋ ۇنەمدەۋ تەحنولوگيالارىمەن سۋارمالى سۋدى پايدالاناتىن شارۋا قوجالىقتارى ءۇشىن سۋبسيديا مولشەرى 50%-دان 85%-عا دەيىن ۇلعايادى», دەدى سالا ءمينيسترى نۇرجان نۇرجىگىتوۆ.