جاياۋ جۇرگىنشىلەردىڭ قاتىسۋىمەن بولاتىن جول-كولىك وقيعالارى سانىن ازايتۋ جانە جول قوزعالىسى ەرەجەلەرىنىڭ بۇزىلۋىن بولدىرماۋ ماقساتىندا ەلوردا اۋماعىندا «جاياۋ جۇرگىنشى» اتتى اكتسيا وتكىزىلدى. ءىس-شارا بارىسىندا جاياۋ جۇرگىنشىلەردىڭ بەلگىلەنبەگەن جەرلەردەن ءوتۋى جانە باعدارشامنىڭ قىزىل تۇسىنە ءوتۋ سەكىلدى قۇقىق بۇزۋشىلىقتار انىقتالىپ, جولى كەسىلدى, دەپ حابارلايدى Egemen.kz.
«ايرىقشا نازار جولدىڭ قاۋىپتى ۋچاسكەلەرىنە, كامەلەتكە تولماعان جاياۋ جۇرگىنشىلەرگە جانە ساموكات پەن موپەد جۇرگىزۋشىلەرىنە اۋدارىلدى. سوڭعى ۋاقىتتا جول قوزعالىسى قاۋىپسىزدىگىنە ۇلكەن قاۋىپ ءتوندىرىپ تۇرعان شاعىن ەلەكتر كولىك قۇرالدارى دا نازاردان تىس قالمادى», دەلىنگەن حابارلامادا.
كۇنىنە ءتارتىپ ساقشىلارى جاياۋ جۇرگىنشىلەر تاراپىنان 200-دەن 300-گە دەيىن قۇقىق بۇزۋشىلىقتى انىقتايدى. جىل باسىنان بەرى قر اكىمشىلىك قۇقىق بۇزۋشىلىق تۋرالى كودەكسىنىڭ 615-بابىمەن 17 مىڭعا جۋىق جاياۋ جۇرگىنشى جاۋاپكەرشىلىككە تارتىلدى. سونىمەن قاتار اتالعان باپقا سايكەس ۆەلوسيپەد, موپەد جانە ساموكات جۇرگىزۋشىلەرى دە جاۋاپكەرشىلىككە تارتىلادى.