پاۆلوداردا ءورت سوندىرۋشىلەر جانارماي قۇيۋ بەكەتى اۋماعىندا بولعان جارىلىستىڭ الدىن الدى. ءورت تۋرالى حابار بۇگىن ساعات 10:48-دە تۇسكەن. انىقتالعانداي, جەراستى گاز تسيستەرناسى جانىپ كەتكەن, دەپ حابارلايدى Egemen.kz.
پاۆلودار وبلىسى توتەنشە جاعدايلار دەپارتامەنتىنىڭ مالىمەتىنشە, ءورت شىعىس وندىرىستىك ايماقتا بولعان. جىبەك جولى كوشەسىندەگى جانار-جاعارماي قۇيۋ بەكەتىنىڭ اۋماعىندا سىيىمدىلىعى 3 تەكشە مەتر جەراستى گاز تسيستەرناسى جانىپ كەتكەن. وقيعا ورنىنا 24 بىرلىك تەحنيكا مەن 60 قۇتقارۋشى جىبەرىلگەن.
«اۆتوجۋ ورنىن جىلىتۋعا ارنالعان جەراستى گاز ۇستاعىشىندا, سونداي-اق اۆتوجۋ ورنىنىڭ ءبىرىنشى قاباتىندا (جابىن, جابدىقتار) گاز-اۋا قوسپاسىنان ءورت شىققانى انىقتالدى. ءورت سوندىرۋشىلەردىڭ جەدەل جانە كەلىسىلگەن ءىس-ارەكەتىنىڭ ارقاسىندا ءورت پەن جارىلىستىڭ تارالۋىنا توسقاۋىل قويىلدى», دەپ حابارلادى پاۆلودار وبلىسىنىڭ توتەنشە جاعدايلار دەپارتامەنتى.
ءورت ەكى ساعاتتان استام ۋاقىتتان كەيىن عانا سوندىرىلگەن. قىزىل جالىن 41,5 شارشى مەتر اۋماققا تارالعان.
زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر.