الماتىداعى ەكىنشى Qazaqstan IGF: ينتەرنەتتى باسقارۋ جونىندەگى ۇلتتىق فورۋمى الاڭىندا Fintech, E-commerce پەن Telecom سەكتورلارىنداعى ونلاين پلاتفورمالاردىڭ قازاقستانداعى «تسيفرلىق قۇقىقتاردى ساقتاۋ رەيتينگى – 2024» قورىتىندىسى جاريالاندى.
Digital Rights Rating جوباسى 2023 جىلى كومپانيالاردىڭ ساياساتتارى مەن تاجىريبەلەرىنە تاۋەلسىز زەرتتەۋ جۇرگىزۋ ءۇشىن باستالعان ەدى. زەرتتەۋ بارىسىندا كومپانيالاردىڭ جەكە ونىمدەرى مەن قىزمەتتەرى, سونىڭ ىشىندە ءموبيلدى قۇرىلعىلاردىڭ ەكوجۇيەلەرى دە باعالانادى. مۇنداي زەرتتەۋلەر ءبىر جاعىنان مەملەكەتتىك مەكەمەلەرمەن قارىم-قاتىناس كونتەكسىندەگى اقپاراتتى اشۋعا, ادامنىڭ تسيفرلىق قۇقىقتارىن قورعاۋ ستاندارتتارىن ساقتاۋعا, سونداي-اق پايدالانۋشىلاردىڭ اقپاراتتىق بوستاندىعى مەن جەكە باسىنىڭ قۇپيالىلىعىن قامتاماسىز ەتۋ ماقساتىندا شارالار قابىلداۋعا باعىتتالعان.
جىل سايىن تسيفرلىق قۇقىقتاردى ساقتاۋ رەيتينگىسىن Digital Rights Center Qazaqstan (DRCQ) زاڭدىق فيرماسىنىڭ ساراپشىلارى اتقارادى.
سونىمەن 2024 جىلعى قازاقستانداعى تسيفرلىق قۇقىقتاردى ساقتاۋ رەيتينگىسىندە Freedom Bank – «Privacy سompliance» نوميناتسياسىنا يە بولا وتىرىپ, FinTech سەكتورىنداعى ۇزدىك كومپانيا رەتىندە تانىلسا, Yandex GO دوستاۆكا – E-commerce سەكتورىنداعى ۇزدىك كومپانيا, ال Kcell/Active – Telecom سەكتورىنداعى ۇزدىك كومپانيا اتاندى.
زەرتتەۋ ساۋالدارى «كورپوراتيۆتىك باسقارۋ», ء«وزىن ءوزى تانىتۋ جانە اقپارات بوستاندىعى», «قۇپيالىلىق» ينديكاتورلارى بويىنشا توپتاستىرىلعان.
«Ranking Digital Rights ينديكاتورلارى ارقىلى جانە جوعارىدا اتالعان ۇسىنىستاردى ساقتاي وتىرىپ باعالانعان كومپانيالار ءوز قىزمەتتەرىن وتاندىق digital-نارىعىندا عانا ەمەس, حالىقارالىق دەڭگەيدە دە ۇسىنۋعا جول اشىپ, بەدەلى ارتا تۇسەدى. رەيتينگ كومپانيالارعا كورپوراتيۆتىك جاۋاپكەرشىلىكتىڭ كەلەسى ساتىسىنا وتۋىنە, پايدالانۋشىلاردىڭ تسيفرلىق قۇقىقتارىن ساقتاۋ مەن قورعاۋ دەڭگەيىن ارتتىرۋ ءۇشىن قانداي قوسىمشا كۇش سالۋ كەرەكتىگىن تۇسىنۋگە مۇمكىندىك بەرەدى», دەيدى DRCQ زاڭي فيرماسىنىڭ ديرەكتورى رۋسلان دايىربەكوۆ.
ۇيىمداستىرۋشىلار زەرتتەۋ بارىسىندا كومپانيالاردىڭ ادام قۇقىقتارىن ساقتاۋ جونىندەگى قوعامدىق ۇستانىمى مەن ساياساتىن زەرتتەۋ ءۇشىن رەسمي ۆەب-سايتتارىن, باس كومپانيالاردىڭ/كومپانيالار توبىنىڭ ۆەب-رەسۋرستارىن قاراستىرعان.
مۇنداي رەيتينگتەردى جۇرگىزۋ – زەرتتەلەتىن كومپانيالار ءۇشىن پايدالانۋشىلاردىڭ تسيفرلىق قۇقىقتارىن قورعاۋدا حالىقارالىق ستاندارتتاردى ساقتاۋدىڭ ناقتى قادامدارى دەسەك تە بولادى.
«تسيفرلىق قىزمەتتەردى دامىتۋ, دەرەكتەردىڭ ۇلكەن كولەمىن پايدالانۋ ارقىلى ءبىز كليەنتتىڭ بانكپەن قارىم-قاتىناسىن ەداۋىر جەڭىلدەتەمىز. بۇل رەتتە ءبىز دەرەكتەردىڭ ۇلكەن لەگىن وڭدەۋ كەزىندە ولاردىڭ قاۋىپسىز ساقتالۋىن قامتاماسىز ەتۋ ءبىزدىڭ باستى مىندەتىمىز ەكەنىن تۇسىنەمىز. قۇپيالىلىقتىڭ جوعارى دەڭگەيىن ساقتاۋ ءۇشىن قوماقتى قارجىلىق جانە ادامي رەسۋرستاردى سالىپ, تسيفرلىق قۇقىقتاردى ساقتاۋ سالاسىنداعى حالىقارالىق ستاندارتتارىن ۇستانامىز. Freedom Bank كومپانياسىنىڭ FinTech سەكتورىنداعى Privacy سompliance سالاسىندا ۇزدىك كومپانياسى رەتىندە مويىندالۋى ءبىزدىڭ اشىقتىعىمىز بەن قولدانۋشىلاردىڭ قۇقىقتارىن قورعاۋعا دەگەن ۇمتىلىسىمىزدى كورسەتەدى», دەپ اتاپ ءوتتى Freedom Bank ديرەكتورلار كەڭەسىنىڭ مۇشەسى ايدوس جۇماعۇلوۆ.
الماتى