17 قازاندا كامەلەتكە تولماعان ش.بولاتتىڭ ولىمىنە قاتىستى جۇرگىزىلگەن تەرگەۋ جۇمىستارى اياسىندا تاعى ءبىر كۇدىكتى ۇستالدى, دەپ حابارلايدى Egemen.kz وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
«قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان جەدەل-ىزدەستىرۋ شارالارى جۇرگىزىلىپ جاتىر», دەلىنگەن حابارلامادا.
ايتا كەتەيىك, تەرگەۋ بارىسى ىشكى ىستەر ءمينيسترىنىڭ ءجىتى باقىلاۋىنا الىنعان.
ەستەرىڭىزگە سالا كەتەيىك, 4 قازانعا قاراعان ءتۇنى تالعاردا ءبىر توپ جاس جىگىت اراسىندا اۋىزشا جانجال شىعىپ, سوڭى توبەلەسكە ۇلاسقان. جانجال سالدارىنان 16 جاستاعى شەرزات بولات پىشاق جاراقاتىنان كوز جۇمدى, تاعى ەكى ادام اۋىر جاراقات الدى. كۋاگەرلەردىڭ ايتۋىنشا, دۇكەن ماڭىندا وق اتىلعان.
سونداي-اق 12 قازاندا ازات اۋىلىندا شەرزات بولاتتىڭ وتباسىنا تيەسىلى ءۇي ورتەنگەن ەدى. پوليتسەيلەر م ۇلىكتى قاساقانا جويۋ دەرەگى بويىنشا ءىس قوزعاپ, وقيعانىڭ سەبەپتەرىن انىقتاپ جاتىر. وتباسى قاۋىپسىزدىكپەن قامتاماسىز ەتىلىپ, ءىستى قر باس پروكۋرورى باقىلاۋىنا الدى.