ەلىمىزدە مەكتەپ مۇعالىمدەرىنىڭ سىنىپ جەتەكشىلىك قىزمەتى ءۇشىن بەرىلەتىن ۇستەمەاقىنى 30 پايىزعا بىرتىندەپ ارتتىرۋ جوسپارلانىپ وتىر, دەپ جازادى Egemen.kz.
بۇل جاڭالىق ۇكىمەت باسشىسى ولجاس بەكتەنوۆتىڭ دەپۋتاتتىق ساۋالعا بەرگەن جاۋابىندا ايتىلعان.
بۇل ۇستەمەاقى ەلدەگى 220 مىڭ مۇعالىمدى قولداۋعا باعىتتالماق.
«بالالاردىڭ دەسترۋكتيۆتى مىنەز-ق ۇلىعىنىڭ الدىن الۋ بويىنشا تىكەلەي اتا-انالارمەن جانە وقۋشىلارمەن جۇمىس ىستەيتىن 220 مىڭ سىنىپ جەتەكشىسىنىڭ قىزمەتىن جۇيەگە كەلتىرۋ ءۇشىن ولاردىڭ قىزمەتى تۋرالى ەرەجەلەر مەن بىلىكتىلىك سيپاتتامالارى قايتا قارالادى. ولاردىڭ مارتەبەسىن كوتەرۋ ماقساتىندا بيۋدجەتتىڭ مۇمكىندىكتەرىن ەسكەرە وتىرىپ, سىنىپ جەتەكشىلىگى ءۇشىن تولەنەتىن ۇستەمەاقىنى كەزەڭ-كەزەڭمەن 30%-عا ۇلعايتۋ ماسەلەسى تالقىلانىپ جاتىر», دەلىنگەن ولجاس بەكتەنوۆتىڭ جاۋابىندا.