بريتاندىق ءانشى, ايگىلى انگلو-يرلانديالىق One Direction توبىنىڭ بۇرىنعى ءانشىسى ليام پەين 31 جاسىندا بۋەنوس-ايرەستە قايتىس بولعان, دەپ حابارلايدى Egemen.kz BBC-گە سىلتەمە جاساپ.
ارگەنتينا اقپارات قۇرالدارىنىڭ حابارلاۋىنشا, سارسەنبى, 16 قازاندا ءانشى CasaSur Palermo قوناقۇيىنىڭ ءۇشىنشى قاباتىنىڭ بالكونىنان قۇلاپ كەتكەن. قايعىلى وقيعا الدىندا پوليتسياعا قوناقۇيدەن «ەسىرتكى نەمەسە الكوگولدىك ماساڭ كۇيدە بولۋى مۇمكىن اگرەسسيۆتى ەر ادام» تۋرالى جەدەل قوڭىراۋ كەلىپ تۇسكەن.
وقيعا ورنىنا جەتكەن توتەنشە جاعدايلار قىزمەتى ءانشىنىڭ اۋىر جاراقات العانىن, ونىڭ ىشىندە باس سۇيەگى سىنعان دەگەن كۇدىك بار ەكەنىن جانە ونىڭ جەدەل جاردەم كەلگەنشە قايتىس بولعانىن اتاپ وتكەن.
بۋەنوس-ايرەس جەدەل جاردەم قىزمەتىنىڭ باسشىسى البەرتو كرەستسەنتي جەرگىلىكتى باق-قا بەرگەن سۇحباتىندا ءانشىنىڭ قايتىس بولعانىن راستادى.