استانا قالاسىندا جىگىت پەن قىزدىڭ اراسىنداعى جانجال ايىپتاۋ ۇكىمىمەن اياقتالعان, دەپ حابارلايدى Egemen.kz.
استانا قالاسىنىڭ پروكۋراتۋراسى 27 جاستاعى جىگىتتىڭ تانىس قىزىن ۇرىپ-سوعۋىنا قاتىستى ءىسىن قاراعان.
انىقتالعانداي, قۇقىق بۇزۋشى جابىرلەنۋشىگە قاتىستى بالاعات سوزدەر ايتقانى ءۇشىن بۇرىن اكىمشىلىك جاۋاپتىلىققا تارتىلعان. سوتتالۋشى قىلمىستىق كودەكستىڭ 109-1-بابى «ۇرىپ-سوعۋ» بويىنشا كىنالى دەپ تانىلىپ, 10 تاۋلىككە قاماۋعا الىنعان.
سوت ۇكىمى زاڭدى كۇشىنە ەندى.
ايتا كەتەيىك, بيىل دەنساۋلىققا جەڭىل زيان كەلتىرۋ جانە ۇرىپ-سوعۋعا بايلانىستى قۇقىق بۇزۋشىلىقتار بويىنشا قىلمىستىق زاڭناماعا وزگەرىستەر ەنگىزىلگەن ەدى. وسى جىلدىڭ وتكەن كەزەڭىندە اتالعان قىلمىستاردى جاساعانى ءۇشىن 34 ادام سوتتالعان. ونىڭ ىشىندە 20-سى قوعامدىق جۇمىسقا تارتىلىپ, 9-نا ايىپپۇل سالىنىپ, 3-قاماۋعا الىنىپ جانە 2-نە باس بوستاندىعىن شەكتەۋ تۇرىندەگى جازا تاعايىندالعان.