سقو پروكۋراتۋراسى اليمەنت تولەمدەرىن جانە مەملەكەت كىرىسىنە وندىرىلۋگە جاتاتىن سومالاردى تولەمەۋ فاكتىلەرىنىڭ جولىن كەستى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
شال اقىن اۋدانىنىڭ پروكۋراتۋراسى اعىمداعى جىلدىڭ وتكەن كەزەڭىندە قاداعالاۋ اكتىسىمەن اليمەنت تولەمدەرى بويىنشا 8,4 ملن تەڭگە جانە مەملەكەت كىرىسىنە 2,3 ملن تەڭگە بەرەشەكتى ءوندىردى. انىقتالعانداي, قر-نىڭ «اكىمشىلىك قۇقىق بۇزۋشىلىق تۋرالى» كودەكسىنىڭ 669-بابىنا سايكەس 3 قاساقانا بورىشكەر 5 تاۋلىككە دەيىن اكىمشىلىك قاماققا الىنعان.
سونىمەن قاتار, 2 بورىشكەر قىلمىستىق كودەكسىنىڭ 139,430-باپتارى بويىنشا قىلمىستىق جاۋاپكەرشىلىككە تارتىلعان.
«كامەلەتكە تولماعان بالانى اسىراۋ بويىنشا اليمەنتتىك مىندەتتەمەلەرىن 7 ايدان استام ورىنداماۋ سالدارىنان 2,6 ملن تەڭگە قارىزى بار بورىشكەر «س»-عا شال اقىن اۋداندىق سوتىنىڭ 06.05.2024 ج. ۇكىمىمەن قك-ءنىڭ 139-بابى بويىنشا 1 جىلعا باس بوستاندىعىن شەكتەۋ جازاسى تاعايىندالدى», دەلىنگەن حابارلامادا.باسقا جاعدايدا, زاڭدى كۇشىنە ەنگەن سوت شەشىمىن 6 ايدان استام ورىنداماعانى ءۇشىن بورىشكەر «A» قك-ءنىڭ 430-بابى بويىنشا 1 جىل 6 اي باس بوستاندىعىن شەكتەۋ تۇرىندەگى قىلمىستىق جاۋاپكەرشىلىككە تارتىلعان.
اۋدان پروكۋراتۋراسى بالالارىنىڭ اليمەنتتەرىن, مەملەكەت الدىنداعى بەرەشەكتەرىن دەر كەزىندە تولەۋ كەرەك ەكەنىن ەسكە سالدى.