ەلىمىزدە وسى ايدىڭ 14-ءى كۇنى باستالعان «زاڭسىز كەلۋشى – 2024» جەدەل-پروفيلاكتيكالىق ءىس-شاراسى 18 قازانعا دەيىن جالعاسادى, دەپ جازادى Egemen.kz.
اتالعان شارا – زاڭسىز كوشى-قون ارنالارىن انىقتاۋدى جانە ونىمەن بايلانىستى باسقا دا قۇقىق بۇزۋشىلىقتاردىڭ جولىن كەسۋدى كوزدەيتىنى ءمالىم.
الماتى پوليتسەيلەرى «زاڭسىز كەلۋشى» ءىس-شاراسىنىڭ العاشقى كۇنىندە كوشى-قون زاڭناماسىن بۇزعان 214 ادامدى انىقتاعان, ونىڭ ىشىندە 157-ءسى شەتەلدىكتەر.
«سونىمەن قاتار سوت شەشىمىن ورىنداماي, ەلدەن شىقپاعان 8 شەتەلدىك تە انىقتالدى», دەپ مالىمدەدى الماتى قالالىق پوليتسيا دەپارتامەنتى كوشى-قون قىزمەتى باسقارماسىنىڭ باستىعى اسحات بۋتۋنچينوۆ.