پوليتسيا قىزمەتكەرلەرى لاس-ۆەگاستىڭ 49 جاستاعى تۇرعىنى ۆام ميللەردى ۇستاعان. انىقتالعانداي, كۇدىكتىنى ۇستاۋ وپەراتسياسى دونالد ترامپ وتكىزگەن جيىننان ءبىر ساعات بۇرىن وتكەن. ۇستالعان ازامات جول تالعامايتىن قارا كولىك جۇرگىزگەن, ال ونىڭ قولىندا شولاق مىلتىق پەن وقتالعان تاپانشا بولعان, دەپ حابارلايدى Egemen.kz BBC-گە سىلتەمە جاساپ.
حابارلانعانداي, ەر ادام قارۋ-جاراق پەن وق-دارىلەردى زاڭسىز ساقتادى دەگەن ايىپپەن قاماۋعا الىنىپ, كەيىن 5 000 دوللار كەپىلدىككە بوساتىلعان. ونىڭ تىڭداۋى كەلەسى جىلدىڭ 2 قاڭتارىنا بەلگىلەنگەن.
بيلىك بۇل وقيعا ترامپتىڭ نەمەسە جيىنعا قاتىسۋشىلاردىڭ قاۋىپسىزدىگىنە اسەر ەتپەگەنىن العا تارتقان.
«مەن بۇنى قارۋلى توپ دەپ ايتپاس ەدىم. بۇل ۇكىمەت پەن مەملەكەتتىك باقىلاۋعا باعىنبايتىن ادامدار», دەدى جەرگىلىكتى شەريف.