بۇل تۋرالى كولىك مينيسترلىگى مالىمدەدى, دەپ حابارلايدى Egemen.kz.
شىعىس قازاقستان وبلىسىنداعى بۇقتىرما سۋ قويماسى ارقىلى وتەتىن ۇزىندىعى 1 مىڭ 316 مەتردى قۇرايتىن ەكى جولاقتى كوپىر قۇرىلىسىن تەكسەرۋ ءۇشىن جالپى جۇكتەمەسى 450 توننانى قۇرايتىن 15 جۇك كولىگى تارتىلدى. ايتا كەتسەك, بۇل – قازاقستانداعى ەڭ ۇزىن كوپىر. ارنايى قۇرىلعىلار اتالعان كوپىردەگى دەفورماتسيا, ءدىرىل (ۆيبراتسيا), جۇكتەمەنى ءبولۋ كورسەتكىشتەرىن تىركەپ الدى.
سىناق ناتيجەلەرى بۇقتىرما سۋ قويماسى ارقىلى وتەتىن جاڭا كوپىردىڭ بارلىق نورماتيۆتىك قاۋىپسىزدىك تالاپتارىنا سايكەستىگى جانە زور جۇكتەمەلەرگە توتەپ بەرە الاتىنىن راستادى.
اتالعان ەكى جولاقتى كوپىر شقو-نىڭ جارما, كاتونقاراعاي, كۇرشىم, كوكپەكتى, زايسان, التاي اۋداندارى اراسىندا كولىكتەردىڭ جىل بويى ۇزدىكسىز ءجۇرۋى ءۇشىن قاجەت.