مەملەكەتتىك كەڭەسشى ەرلان قارين الماتى قالاسىنا جۇمىس ساپارى اياسىندا ورتالىق مەملەكەتتىك ارحيۆىندە بولدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ەرلان قارين ۇكىمەتتىڭ «ارحيۆ-2025» جوباسىن ىسكە اسىرۋ جونىندەگى 2020 - 2025 جىلدارعا ارنالعان كەشەندى ءىس-شارالار جوسپارى اياسىندا كوپتەگەن جۇمىس اتقارىلعانىن اتاپ ءوتتى. سونىڭ ىشىندە قازاقستان تاريحىنا قاتىستى بىرەگەي ارحيۆ قۇجاتتارىن تسيفرلاندىرۋ ءۇشىن اۋقىمدى شارالار قولعا الىنعان.
ورتالىق مەملەكەتتىك ءارحيۆتىڭ ديرەكتورى ءسابيت شىلدەباي ارحيۆ قۇجاتتارىن ساقتاۋ جانە ەسەپكە الۋ ءتارتىبى تۋرالى بايانداعان. سونىمەن قاتار عاسىردان استام ۋاقىت تاريحى بار مەكەمە اسا قۇندى قۇجاتتار مەن ماتەريالدار قورىن جيناقتاعانىن مالىمدەگەن.
مەملەكەتتىك كەڭەسشى ەلىمىزدىڭ ارحيۆ ءىسىن دامىتۋ مەملەكەتتىك ساياساتتىڭ باسىم باعىتتارىنىڭ ءبىرى ەكەنىنە توقتالدى.