پاكىستاننىڭ وڭتۇستىك-باتىسىنداعى بەلۋدجيستان پروۆينتسياسىندا سودىرلاردىڭ جەكە كومىر شاحتاسىنا جاساعان شابۋىلى سالدارىنان 20 كەنشى قازا تاۋىپ, تاعى جەتەۋى جارالانعان, دەپ حابارلايدى Egemen.kz Reuters اگەنتتىگىنە سىلتەمە جاساپ.
Reuters اگەنتتىگىنىڭ حابارلاۋىنشا, سودىرلار شاحتا جۇمىسشىلارىن ءبىر جەرگە جيناپ, كەيىن ولارعا وق جاۋدىرعان. شابۋىلشىلار تاۋ-كەن تەحنيكاسىن دا ورتەپ جىبەرگەن.
ء«بىر توپ ادام تاڭدا دۋكي اۋدانىنداعى «دجۋنايد» كومىر كومپانياسىنىڭ شاحتالارىنا اۋىر قارۋمەن شابۋىل جاسادى», دەدى پوليتسيا بولىمشەسىنىڭ وفيتسەرى حۋمايۋن حان.
ساراپشىلار بۇل شابۋىلدىڭ سوڭعى اپتالارداعى ەڭ سوراقىسى ەكەنىن جانە ەلدە شانحاي ىنتىماقتاستىق ۇيىمىنىڭ ەۋرازيالىق توبىنىڭ ءسامميتىن وتكىزۋگە بىرنەشە كۇن قالعاندا جاسالعانىن مالىمدەدى.
سونىمەن قاتار, بەلۋدجيستان بىرنەشە ونداعان جىلدار بويى بەلۋدجدىك ب ۇلىكشى توپتارىنىڭ مەملەكەتكە قارسى سوعىسىپ جاتقانىنا الاڭداۋلى.