2014 جىلعى 18 ماۋسىم, استانا قالاسى
رەسپۋبليكالىق ازاماتتىق قورعاۋ قىزمەتتەرى تۋرالى ەرەجەنى بەكىتۋ تۋرالى
«ازاماتتىق قورعاۋ تۋرالى» قازاقستان رەسپۋبليكاسىنىڭ 2014 جىلعى 11 ساۋىردەگى زاڭىنىڭ 12-بابى 1-تارماعىنىڭ 43) تارماقشاسىنا سايكەس بۇيىرامىن:
1. قوسا بەرىلىپ وتىرعان رەسپۋبليكالىق ازاماتتىق قورعاۋ قىزمەتتەرى تۋرالى ەرەجە بەكىتىلسىن.
رەسپۋبليكالىق ازاماتتىق قورعاۋ قىزمەتتەرى ءتيىستى ەرەجەنى بەكىتسىن.
قازاقستان رەسپۋبليكاسى توتەنشە جاعدايلار مينيسترلىگىنىڭ ازاماتتىق قورعانىس دەپارتامەنتى زاڭنامادا بەلگىلەنگەن تارتىپپەن وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە ونىڭ رەسمي تۇردە جاريالانۋىن قامتاماسىز ەتسىن.
وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ توتەنشە جاعدايلار ۆيتسە-ءمينيسترى ۆ.ۆ. پەتروۆقا جۇكتەلسىن.
وسى بۇيرىق العاشقى رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
مينيستر ۆ. بوجكو.
قازاقستان رەسپۋبليكاسى توتەنشە جاعدايلار ءمينيسترىنىڭ
2014 جىلعى 18 ماۋسىمداعى № 303 بۇيرىعىمەن بەكىتىلدى
رەسپۋبليكالىق ازاماتتىق قورعاۋ قىزمەتتەرى تۋرالى ەرەجە
جالپى ەرەجە
1. رەسپۋبليكالىق ازاماتتىق قورعاۋ قىزمەتتەرى تۋرالى ەرەجە «ازاماتتىق قورعاۋ تۋرالى» قازاقستان رەسپۋبليكاسىنىڭ 2014 جىلعى 11 ساۋىردەگى زاڭىنىڭ 12-بابى 1-تارماعىنىڭ 43) تارماقشاسىنا سايكەس ازىرلەنگەن جانە رەسپۋبليكالىق ازاماتتىق قورعاۋ قىزمەتتەرىنىڭ (بۇدان ءارى - قىزمەتتەر) نەگىزگى مىندەتتەرى مەن وكىلەتتەرىن بەلگىلەيدى.
2. ازاماتتىق قورعاۋ قىزمەتتەرى بەيبىت ۋاقىتتا جانە سوعىس ۋاقىتىندا ازاماتتىق قورعاۋدىڭ ارنايى ءىس-شارالارىن ورىنداۋعا, حالىقتى توتەنشە جاعدايلار سالدارىنان, قازىرگى زامانعى زاقىمداۋشى قۇرالدار فاكتورلارىنان قورعاۋدى قامتاماسىز ەتۋگە ارنالعان.
3. قىزمەتتەر باسقا ازاماتتىق قورعاۋ كۇشتەرىمەن جانە قازاقستان رەسپۋبليكاسى قارۋلى كۇشتەرى, باسقا اسكەرلەر جانە اسكەري قۇرالىمدارىنىڭ تارتىلعان بولىمدەرىمەن جانە بولىمشەلەرىمەن ولارعا جۇكتەلگەن مىندەتتەردى تىعىز ءوزارا ءىس-قيمىل جاساپ شەشەدى.
4. قىزمەتتەردىڭ كۇشتەرى مەن قۇرالدارىن دايىنداۋ تابيعي جانە تەحنوگەندىك سيپاتتاعى توتەنشە جاعدايلار تۋىنداۋ, سونداي-اق قازىرگى زامانعى زاقىمداۋ قۇرالدارىن قولدانۋ ناتيجەسىندە قالىپتاسۋى مۇمكىن بولجاناتىن احۋالدى ەسەپكە الا وتىرىپ, كۇندەلىكتى قىزمەتتە الدىن الا جۇرگىزىلەدى.
2. رەسپۋبليكالىق ازاماتتىق قورعاۋ قىزمەتتەرىنىڭ نەگىزگى مىندەتتەرى
قىزمەتتەردىڭ نەگىزگى مىندەتتەرى:
توتەنشە جاعدايلار سالدارىنان, قازىرگى زامانعى زاقىمداۋشى قۇرالدار فاكتورلارىنان حالىقتى قورعاۋ جانە زالالدى ازايتۋ جونىندەگى ازاماتتىق قورعاۋ ءىس-شارالارىن جوسپارلاۋ جانە قامتاماسىز ەتۋ;
اۆاريالىق-قۇتقارۋ جانە كەزەك كۇتتىرمەيتىن جۇمىستاردى ۇيىمداستىرۋ جانە جۇرگىزۋ, زارداپ شەگۋشى حالىققا كومەك كورسەتۋ;
ازاماتتىق قورعاۋ قۇرالىمدارىن قۇرۋ جانە دايارلاۋ, ماقساتقا ساي جۇمىستاردى جۇرگىزۋ ءۇشىن ولاردى ازىرلىكتە ۇستاۋ;
قاراماعىنداعى ورگاندار مەن كۇشتەردى باسقارۋدى ۇيىمداستىرۋ, ولاردى قاجەتتى ماتەريالدىق-تەحنيكالىق قۇرالدارمەن قامتاماسىز ەتۋ;
باسشىلىق قۇرامدى دايارلاۋ, قازىرگى زامانعى زاقىمداۋ قۇرالدارىنىڭ زاقىمداۋشى فاكتورلارىنان قورعانۋ جانە توتەنشە جاعدايلارداعى ءىس-قيمىل تاسىلدەرىنە پەرسونال مەن حالىقتى وقىتۋ;
ازاماتتىق قورعاۋدىڭ باسقارۋ, توتەنشە جاعدايلار قاۋپى مەن تۋىنداۋى تۋرالى, قازىرگى زامانعى زاقىمداۋ قۇرالدارىن قولدانۋ تۋرالى حالىقتى قۇلاقتاندىرۋ جانە اقپاراتتاندىرۋ جۇيەلەرىن جاساۋدى جانە ازىرلىكتە ۇستاۋدى قامتاماسىز ەتۋ;
راديواكتيۆتىك, حيميالىق, باكتەريولوگيالىق (بيولوگيالىق) جۇقتىرۋعا (لاستاۋ) تۇراقتى قاداعالاۋ مەن باقىلاۋدى ۇيىمداستىرۋ;
ءتيىستى باسقارۋ ورگاندارىمەن جانە اسكەري قولباسشىلىق كۇشتەرىمەن, ىشكى ىستەر ورگاندارىمەن ءوزارا ءىس-قيمىلدى ۇيىمداستىرۋ جانە قولداۋ;
ۆەدومستۆولىق باعىنىستى ۇيىمداردىڭ ەۆاكۋاتسيالىق ءىس-شارالارىنا باسشىلىق جاساۋ, قاۋىپسىز ايماققا ورنالاستىرۋ اۋداندارىن الدىن الا دايىنداۋ شارالارىن قابىلداۋ;
ازاماتتىق قورعاۋ جوسپارلارىن جانە توتەنشە جاعدايلاردى جويۋ جوسپارلارىن ازىرلەۋ, ۆەدومستۆولىق باعىنىستى بۋىندارىندا جوسپارلاۋدى باسشىلىق ەتۋ;
اۆاريالىق-قۇتقارۋ جانە كەزەك كۇتتىرمەيتىن جۇمىستاردى جۇرگىزۋگە شەشىمدەردى قابىلداۋ ءۇشىن ازاماتتىق قورعانىستىڭ ءتيىستى باستىقتارىنا ۇسىنىستار ازىرلەۋ;
ءتيىستى ازاماتتىق قورعانىس باستىقتارى قويعان مىندەتتەردى ورىنداۋ كەزىندە قىزمەتتەردىڭ قاراماعىنداعى كۇشتەرى مەن قۇرالدارىنا باسشىلىق ەتۋ;
توتەنشە جاعدايلاردىڭ تۋىنداۋ قاۋپىن ازايتۋ, سالالار مەن ۇيىمدار جۇمىستارىنىڭ تۇراقتىلىعىن ارتتىرۋ جونىندەگى ءىس-شارالاردى ازىرلەۋگە جانە ىسكە اسىرۋعا باسشىلىق ەتۋ;
قىزمەتتەر قۇزىرەتى شەگىندە ازاماتتىق قورعانىس ءىس-شارالارىنىڭ بارلىق كەشەنىنە تىكەلەي باسشىلىق ەتۋدى جۇزەگە اسىرۋ بولىپ تابىلادى.
2. نەگىزگى رەسپۋبليكالىق ازاماتتىق قورعاۋ قىزمەتتەرى جانە ولاردىڭ مىندەتتەرى
پاراگراف 1. ازاماتتىق قورعاۋدىڭ ينجەنەرلىك قىزمەتى
ازاماتتىق قورعاۋدىڭ ينجەنەرلىك قىزمەتى بەيبىت ۋاقىتتا جانە سوعىس ۋاقىتىندا ازاماتتىق قورعاۋ ءىس-شارالارىن ينجەنەرلىك قامتاماسىز ەتۋ ماقساتىندا قۇرىلادى.
قىزمەت مىندەتتەرى:
1) سوعىس ۋاقىتىندا جەتىسپەيتىن قورعانىش قۇرىلىستارى قورىن سالۋ ءۇشىن تەز سالىناتىن قۇرىلىستاردىڭ ۇلگى جوبالارىن ازىرلەۋدى ۇيىمداستىرۋ;
2) ازاماتتىق قورعاۋ سالاسىندا جاڭادان قابىلداناتىن جوبالاردى, مەملەكەتتىك نورماتيۆتەردى كەلىسۋ;
3) اۋداندىق جوسپارلاۋ جانە اۋماقتاردىڭ, ەلدى مەكەندەردىڭ, ونەركاسىپتىك ايماقتاردىڭ قۇرىلىسىن سالۋ سحەمالارى مەن جوبالارىن جاساعان كەزدە, ۇيىمداردىڭ قۇرىلىس سالۋ, كەڭەيتۋ, رەكونسترۋكتسيالاۋ مەن تەحنيكالىق جاراقتاندىرۋ جوبالارىندا ازاماتتىق قورعاۋ سالاسىنداعى ينجەنەرلىك-تەحنيكالىق ءىس-شارالاردى ىسكە اسىرۋ مونيتورينگى.
پاراگراف 2. ازاماتتىق قورعاۋدىڭ مەديتسينالىق قىزمەتى
ازاماتتىق قورعاۋدىڭ مەديتسينالىق قىزمەتى بەيبىت ۋاقىتتا جانە سوعىس ۋاقىتىندا ازاماتتىق قورعاۋ كۇشتەرى جەكە قۇرامىنىڭ دەنساۋلىعى مەن جۇمىسقا قابىلەتتىلىگىن ساقتاۋ, زاقىمدانعاندارعا جانە ناۋقاستارعا ۋاقىتىندا مەديتسينالىق كومەك كورسەتۋ, ولاردى ەۆاكۋاتسيالاۋ, ەمدەۋ جانە قاتارعا قوسۋ, جۇقپالى اۋرۋلاردىڭ كەنەتتەن تۋىنداۋى مەن تارالۋىنىڭ الدىن الۋ ماقساتىندا قۇرىلادى.
قىزمەتتىڭ مىندەتتەرى:
1) توتەنشە جاعدايلار كەزىندە ازاماتتىق قورعاۋ كۇشتەرى جەكە قۇرامى اۋرۋلارىنىڭ الدىن الۋ جانە ەمدەۋ بويىنشا ۆەدومستۆولىق باعىنىستى ۇيىمداردىڭ ازىرلىگىن قامتاماسىز ەتۋ;
2) مەديتسينالىق كومەكتى ۇيىمداستىرۋ;
3) دەنساۋلىق ساقتاۋ ۆەدومستۆولىق باعىنىستى ۇيىمدارىنىڭ قىزمەتىنە باسشىلىق ەتۋدى جۇزەگە اسىرۋ;
4) مەديتسينالىق قۇرالىمداردى قۇرۋ جانە ۇستاۋ, ولاردى تەحنيكامەن, م ۇلىكپەن جانە جاراقتارمەن جاراقتاندىرۋ;
5) مەديتسينالىق كومەكتى ۋاقىتىندا كورسەتۋ, زاقىمدانعان ادامداردى ەۆاكۋاتسيالاۋ جانە ەمدەۋ, زاقىمدانعان ادامداردىڭ دەنساۋلىعىن قالپىنا كەلتىرۋ, توتەنشە جاعدايلار ايماقتارىندا جانە زاقىمداۋ وشاقتارىندا اقتالماعان قايتارىلمايتىن شىعىندار ەسەبىن بارىنشا ازايتۋ;
6) حالىقتى وزىنە جانە ءوزارا كومەك تاسىلدەرىنە ۇيرەتۋ;
پاراگراف 3. ازاماتتىق قورعاۋدىڭ ورتكە قارسى قىزمەتى
ازاماتتىق قورعاۋدىڭ ورتكە قارسى قىزمەتى بەيبىت ۋاقىتتا جانە سوعىس ۋاقىتىندا ازاماتتىق قورعاۋ ءورت قاۋىپسىزدىگىنىڭ ءىس-شارالارىن قامتاماسىز ەتۋ ماقساتىندا قۇرىلادى.
قىزمەت مىندەتتەرى:
1) توتەنشە جاعدايلار ايماعىندا ىزدەستىرۋ-قۇتقارۋ جۇمىستارىن جۇرگىزۋ, ءورتتى ءسوندىرۋ جانە وقشاۋلاندىرۋ;
2) قىزمەتتىڭ ازاماتتىق قورعانىس جوسپارلارىن ازىرلەۋ جانە ۋاقىتىلى تۇزەتۋ;
3) جەكە قۇرامدى قۇرۋ, جاساقتاۋ جانە قىزمەت قۇرالىمدارىن ماتەريالدىق قۇرالدارمەن جاراقتاندىرۋ;
4) تابيعي جانە تەحنوگەندىك توتەنشە جاعدايلاردا ورتالىق جانە جەرگىلىكتى اتقارۋشى ورگاندارىنىڭ باسقارۋ ورگاندارىمەن, ازاماتتىق قورعاۋ كۇشتەرىمەن ءوزارا ىسقيمىلدى ۇيىمداستىرۋ;
5) بەيبىت ۋاقىتتا جانە سوعىس ۋاقىتىندا توتەنشە جاعدايلاردى جويۋعا ءورت ءسوندىرۋ بولىمشەلەرىنىڭ ازىرلىگىن باقىلاۋدى جۇزەگە اسىرۋ;
پاراگراف 4. ازاماتتىق قورعاۋدىڭ جانار-جاعار ماي ماتەريالدارى قىزمەتى
ازاماتتىق قورعاۋدىڭ جانار-جاعار ماي ماتەريالدارى قىزمەتى وڭىرلىك جانە جاھاندىق اۋقىمداعى تابيعي جانە تەحنوگەندىك سيپاتتاعى توتەنشە جاعدايلار كەزىندە ازاماتتىق قورعاۋدىڭ ارنايى ءىس-شارالارىن ورىنداۋ ءۇشىن قاجەتتى بەلگىلەنگەن نومەنكلاتۋرا مەن كولەمدەرگە سايكەس ازاماتتىق قورعانىس قۇرالىمدارىنىڭ مۇناي ونىمدەرىنە مۇقتاجدىقتارىن قاناعاتتاندىرۋ, سونداي-اق بەيبىت ۋاقىتتا جانە سوعىس ۋاقىتىندا ازاماتتىق قورعاۋ ءىس-شارالارىن ورىنداۋ ماقساتىندا قۇرىلادى.
قىزمەت مىندەتتەرى:
1) بەيبىت ۋاقىتتا جانە سوعىس ۋاقىتىندا بەلگىلەنگەن نومەنكلاتۋرا مەن كولەمدەرگە سايكەس ازاماتتىق قورعاۋ ارنايى ءىس-شارالارىنىڭ مۇقتاجدىعىن قاناعاتتاندىرۋ ماقساتىندا مۇناي-گاز, مۇناي-حيميالىق ونەركاسىپ, كومىرسۋتەكتى شيكىزاتتى تاسىمالداۋ سالاسىنداعى ۇيىمدار مەن وبەكتىلەر جۇمىسىنىڭ تۇراقتىلىعىن ارتتىرۋعا باعىتتالعان ءىس-شارالار وتكىزۋ;
2) ماقساتى بويىنشا جۇمىس جۇرگىزۋ ءۇشىن باسقارۋ ورگاندارىنىڭ, مۇناي-گاز كەشەنىنىڭ ازاماتتىق قورعاۋ كۇشتەرى مەن قۇرالدارىن قۇرۋدى, دايارلاۋدى جانە تۇراقتى ازىرلىكتە ۇستاۋدى قامتاماسىز ەتۋ;
3) كومىرسۋتەكتى شيكىزاتتى تاسىمالداۋ سالاسىنداعى مامانداندىرىلعان قۇرالىمداردى قۇرۋدى جانە دايىنداۋدى قامتاماسىز ەتۋ.
4) ەسەپكە الۋدى جۇرگىزۋ:
تابيعي جانە تەحنوگەندىك سيپاتتاعى توتەنشە جاعدايلاردىڭ زارداپتارىن جويۋ, قازىرگى زامانعى زاقىمداۋ قۇرالدارىن قولدانۋ بويىنشا ازاماتتىق قورعاۋدىڭ ارنايى ءىس-شارالارىن قامتاماسىز ەتۋگە قاجەت مۇناي-گاز كەشەنىندەگى ماتەريالدىق قۇرالداردىڭ قورىن جيناقتاۋ;
مۇناي ونىمدەرىنىڭ قوزعالىسى, قازاقستان رەسپۋبليكاسىنىڭ مۇناي بازالارىنداعى جانە جانار-جاعار ماي قۇيۋ ستانتسيالارىنداعى ساقتاۋ كولەمدەرى مەن نومەنكلاتۋراسى تۋرالى;
5) ءتيىستى باسقارۋ ورگاندارىمەن جانە اسكەري قولباسشىلىق كۇشتەرىمەن ءوزارا ءىس-قيمىلدى ۇيىمداستىرۋ جانە قولداۋ;
6) قىزمەت قۇزىرەتىنىڭ شەگىندە ازاماتتىق قورعاۋدىڭ بارلىق ءىس-شارالار كەشەنىنە تىكەلەي باسشىلىقتى جۇزەگە اسىرۋ.
پاراگراف 5. ازاماتتىق قورعاۋدىڭ جانۋارلار مەن وسىمدىكتەردى قورعاۋ قىزمەتى
ازاماتتىق قورعاۋدىڭ جانۋارلار مەن وسىمدىكتەردى قورعاۋ قىزمەتى جانۋارلار مەن وسىمدىكتەردى, اۋىل شارۋاشىلىق ءوندىرىسىنىڭ ونىمدەرى مەن مال شارۋاشىلىعىن, سۋ كوزدەرىن قورعاۋ جونىندەگى ءىس-شارالاردى ورىنداۋ ماقساتىندا قۇرىلادى.
قىزمەت مىندەتتەرى:
1) جانۋارلار مەن وسىمدىكتەردى, اۋىل شارۋاشىلىق ءوندىرىسىنىڭ ونىمدەرى مەن مال شارۋاشىلىعىن, سۋ كوزدەرىن جانە سۋمەن جابدىقتاۋ جۇيەلەرىن راديواكتيۆتىك, حيميالىق, باكتەريولوگيالىق زاقىمدانۋدان قورعاۋ جونىندەگى ءىس-شارالاردى ۇيىمداستىرۋ جانە ورىنداۋ;
2) ۆەتەريناريالىق جانە فيتوپاتولوگيالىق بارلاۋدى, وڭدەۋدى, زاقىمدانعان جانۋارلاردى ەمدەۋدى ۇيىمداستىرۋ;
3) زاقىمدانعان (جۇقپالى اۋرۋلار جۇقتىرعان) جانۋارلاردى ءماجبۇرلى سويۋدى ولاردى كومۋدى ۇيىمداستىرۋ;
4) ەگىس, مال جايىلىمدارىن جانە مال شارۋاشىلىعى مەن وسىمدىك شارۋاشىلىعىن زالالسىزداندىرۋ;
5) اۋىل شارۋاشىلىق ونىمدەرى مەن اۋىل شارۋاشىلىق جانۋارلارىن قاۋىپسىز ايماققا شىعارۋدى (الىپ كەتۋ) ۇيىمداستىرۋ;
6) جەم مەن جەمشوپتىڭ قاجەتتى قورىن جاساۋ;
7) قىزمەت قۇرالىمدارىن ماقساتقا ساي قۇرۋ جانە ءىس-قيمىلعا ازىرلىكتە ۇستاۋ, ولاردى جەكە قۇراممەن, تەحنيكامەن جانە م ۇلىكپەن قامتاماسىز ەتۋ;
8) ءدارى-دارمەكتەر, زالالسىزداندىرۋ قۇرالدارى رەزەرۆىن قۇرۋ جانە ۋاقىتىندا جاڭارتۋ;
9) اۋىل حالقىن تابيعي جانە تەحنوگەندىك سيپاتتاعى توتەنشە جاعدايلارداعى, زاقىمداۋ وشاعىنداعى ءىس-قيمىلدارعا وقىتۋدى ۇيىمداستىرۋ جانە جۇرگىزۋ;
10) ازاماتتىق قورعاۋدىڭ باسقارۋ جۇيەلەرىن قۇرۋ جانە جوعارى ازىرلىكتە ۇستاۋ, حالىقتى دۇلەي ءزىلزالالار, قارسىلاستىڭ قازىرگى زامانعى زاقىمداۋ قۇرالىن قولدانعان كەزدەگى ءىرى اۆاريالار, اپاتتار قاۋپى مەن تۋىنداۋى تۋرالى قۇلاقتاندىرۋ جانە اقپاراتتاۋ جانە راديواكتيۆتىك, حيميالىق, باكتەريولوگيالىق زاقىمدانۋلاردى تۇراقتى قاداعالاۋدى جانە باقىلاۋدى ۇيىمداستىرۋ.
پاراگراف 6. ازاماتتىق قورعاۋدىڭ اقپارات قىزمەتى
ازاماتتىق قورعاۋدىڭ اقپارات قىزمەتى ازاماتتىق قورعاۋ مىندەتتەرىن ورىنداۋ مۇددەسىندە ازاماتتىق قورعاۋ باسقارۋ ورگاندارى مەن حالىقتى ۋاقىتىندا جانە سەنىمدى اقپاراتتاندىرۋ ماقساتىندا قۇرىلادى.
قىزمەت مىندەتتەرى:
1) بەيبىت جانە سوعىس ۋاقىتىندا تابيعي جانە تەحنوگەندىك سيپاتتاعى توتەنشە جاعدايلاردىڭ قاۋپى جانە تۋىنداۋى تۋرالى حالىقتى, ۇيىمداردى اقپاراتتاندىرۋ بويىنشا بۇقارالىق اقپاراتتىق قۇرالدارىمەن بىرلەسىپ, ازاماتتىق قورعاۋ ءىس-شارالارىن ازىرلەۋ جانە ورىنداۋ;
2) حالىقتى جانە اۋماقتى قورعاۋ, تابيعي جانە تەحنوگەندىك سيپاتتاعى توتەنشە جاعدايلار جانە قازىرگى زامانعى زاقىمداۋ قۇرالىن قولدانۋ كەزىندەگى ءىس-قيمىلدارعا حالىقتى وقىتۋ ماسەلەلەرىن ناسيحاتتاۋدى بۇقارالىق اقپارات قۇرالدارى ارقىلى ۇيىمداستىرۋ;
3) رەسپۋبليكا اۋماعىنداعى ازاماتتىق قورعاۋ ماسەلەلەرى بويىنشا رەسمي اقپاراتتى جيناۋدى, قورىتىندىلاۋدى جانە ۇسىنۋدى جانە حالىقتىڭ نازارىنا جەتكىزۋدى ۇيىمداستىرۋ;
4) تابيعي جانە تەحنوگەندىك سيپاتتاعى توتەنشە جاعدايلاردىڭ تۋىنداۋى, قازىرگى زامانعى زاقىمداۋ قۇرالىن قولدانۋ كەزىندە جەدەل احۋالدى جاريالاۋ ماسەلەلەرى بويىنشا بۇقارالىق اقپارات قۇرالدارى قىزمەتىن ۇيلەستىرۋ;
5) تابيعي جانە تەحنوگەندىك سيپاتتاعى توتەنشە جاعدايلاردا, قازىرگى زامانعى زاقىمداۋ قۇرالىن قولدانعان كەزدەگى ادامداردىڭ ءجۇرىس-تۇرىس قاعيدالارى بويىنشا جادىنامالار, پلاكاتتار, بۋكلەتتەر, بروشيۋرالار جانە باسقا دا ادەبيەتتەردى ازىرلەۋگە جانە باسىپ شىعارۋعا قاتىسۋ;
6) توتەنشە جاعدايلاردى جويۋ, ازاماتتىق قورعاۋ كۇشتەرىنىڭ, اۆاريالىق-قۇتقارۋ قىزمەتى قۇرالىمدارىنىڭ وقۋ-جاتتىعۋلار مەن ماشىقتانۋلار ورىندارىنان, ازاماتتىق قورعاۋدىڭ باسقارۋ ورگاندارى وتىرىستارىنان جانە حالىقتى, اۋماقتاردى جانە ۇيىمداردى قورعاۋ ماسەلەسى جونىندنگى باسقا ءىس-شارالاردان رەپورتاجدار ۇيىمداستىرۋ;
7) ازاماتتىق قورعاۋ ماسەلەلەرى بويىنشا وقۋ كينوفيلمدەرىن كورسەتۋدى ۇيىمداستىرۋدا مادەنيەت مەكەمەلەرىنە ادىستەمەلىك جانە پراكتيكالىق كومەك كورسەتۋ;
8) ىزدەۋدەگى ادامدار, جوعالعان م ۇلىك تۋرالى ءتىزىم مەن اقپاراتتىق ماتەريالداردى, اۆاريالىق-قۇتقارۋ جانە قالپىنا كەلتىرۋ جۇمىستارىن جۇرگىزۋ تۋرالى جاريالاۋدا ازاماتتىق قورعاۋ جونىندەگى باسقارۋ ورگاندارىنا جاردەم كورسەتۋ;
9) قىزمەت قۇزىرەتىنە كىرەتىن ماسەلەلەر بويىنشا جۋرناليستەر ءۇشىن ءباسپاسوز كونفەرەنتسيالارىن, بريفينگتەر مەن كونسۋلتاتسيالار ۇيىمداستىرۋ;
10) تابيعي جانە تەحنوگەندىك سيپاتتاعى توتەنشە جاعدايلار قاۋپى مەن تۋىنداۋى تۋرالى حالىقتى, ۇيىمداردى اقپاراتتاندىرۋ جونىندە ءىس-شارالار كەشەنىن ازىرلەۋ.
پاراگراف 7. ازاماتتىق قورعاۋدىڭ بايلانىس قىزمەتى
ازاماتتىق قورعاۋدىڭ بايلانىس قىزمەتى بايلانىس سالاسىندا قىزمەتتەر ۇسىناتىن تۇلعالاردىڭ قىزمەتىن ۇيلەستىرۋدى جانە رەتتەۋدى جۇزەگە اسىرۋ ماقساتىندا قۇرىلادى.
قىزمەت مىندەتتەرى:
1) قىزمەتتىڭ باعىنىستى كۇشتەرى مەن قۇرالدارىن باسقارۋدى ۇيىمداستىرۋ;
2) شارت مىندەتتەمەلەرىنە سايكەس تابيعي جانە تەحنوگەندىك سيپاتتاعى توتەنشە جاعدايلاردىڭ تۋىنداۋ قاتەرى, قازىرگى زامانعى زاقىمداۋ قۇرالدارىن قولدانۋ كەزىندە بايلانىس وپەراتورلارىنىڭ قوسىمشا بايلانىس ارنالارىن ۇسىنۋى;
3) تابيعي جانە تەحنوگەندىك سيپاتتاعى توتەنشە جاعدايلار ايماقتارىندا, زاقىمداۋ وشاقتارىندا قۇتقارۋ جانە باسقا كەزەك كۇتتىرمەيتىن جۇمىستاردى جۇرگىزگەن كەزدە حالىقتى, اۋماقتاردى قورعاۋ جونىندەگى ءىس-شارالاردى جۇرگىزگەندە ازاماتتىق قورعاۋدىڭ باسقارۋ ورگاندارىمەن جانە ۇيىمدارمەن بىرلەسىپ بايلانىستى جوسپارلاۋ جانە ۇيىمداستىرۋ;
4) ازاماتتىق قورعانىس جوسپارلارى مەن توتەنشە جاعدايلاردى جويۋ جونىندەگى ءىس-قيمىلدار جوسپارلارىن ازىرلەۋ, ۆەدومستۆولىق باعىنىستى ۇيىمداردا جوسپارلاۋعا باسشىلىق ەتۋ;
5) قىزمەتتىڭ كۇشتەرى مەن تەحنيكالىق قۇرالدارىن قۇرۋ جانە ازىرلىكتە ۇستاۋدى باقىلاۋ;
6) تابيعي جانە تەحنوگەندىك سيپاتتاعى توتەنشە جاعدايلاردا ورتالىق جانە جەرگىلىكتى اتقارۋشى ورگاندارىنىڭ باسقارۋ ورگاندارىمەن, ازاماتتىق قورعاۋ كۇشتەرىمەن ءوزارا ءىس-قيمىلدى ۇيىمداستىرۋ;
7) بايلانىس بويىنشا ازاماتتىق قورعاۋ قۇرالىمدارىنىڭ جەكە قۇرامىن قۇرۋ, ۇستاۋ, جاساقتاۋ جانە ماتەريالدىق قۇرالدارمەن جاراقتاندىرۋ, اۆاريالىق-قالپىنا كەلتىرۋ جۇمىستارىن جۇرگىزۋگە ولاردى دايىنداۋ جانە ۇيرەتۋ;
8) سەيسميكالىق قاۋىپتى ايماقتا ورنالاسقان وبەكتىلەردە جۇمىس ىستەۋ ءۇشىن سەيسميكالىق قاۋىپتى اۋدانداردان تىس جەردەگى بايلانىس كاسىپورىندارى قىزمەتكەرلەرىنىڭ قوسارلاس قۇرامىن دايارلاۋ جونىندەگى ءىس-شارالاردى وتكىزۋ;
9) ۆەدومستۆولىق باعىنىستى ۇيىمداردىڭ ەۆاكۋاتسيالىق ءىس-شارالارىنا باسشىلىق ەتۋ;
10) قالىپتاسقان احۋال, ولاردى تالداۋ تۋرالى مالىمەتتەردى جيناۋدى ۇيىمداستىرۋ, قىزمەت باستىعى شەشىمدەر قابىلداۋ ءۇشىن ۇسىنىستار ازىرلەۋ, مىندەتتەر قويۋ جانە ولاردى ورىنداۋشىلار نازارىنا جەتكىزۋ, ورىندالۋىن باقىلاۋ.
پاراگراف 8. ازاماتتىق قورعاۋدىڭ قوعامدىق ءتارتىپتى قورعاۋ قىزمەتى
ازاماتتىق قورعاۋدىڭ قوعامدىق ءتارتىپتى قورعاۋ قىزمەتى بەيبىت ۋاقىتتا جانە سوعىس ۋاقىتىندا تابيعي جانە تەحنوگەندىك سيپاتتاعى توتەنشە جاعدايلار كەزىندە قوعامدىق ءتارتىپتى قورعاۋدى ۇيىمداستىرۋ, قوعامدىق قاۋىپسىزدىكتى قامتاماسىز ەتۋ ماقساتىندا قۇرىلادى.
قىزمەت مىندەتتەرى:
1) تابيعي جانە تەحنوگەندىك سيپاتتاعى توتەنشە جاعدايلار اۋداندارىن, زاقىمداۋ وشاقتارىن وقشاۋلاۋ;
2) ەۆاكۋاتسيالىق ءىس-شارالاردى قامتاماسىز ەتۋگە قاتىسۋ;
3) ازاماتتاردى ۋاقىتشا ورنالاستىرۋ, جىلىتۋ, تاماقتاندىرۋ جانە زاتتاي ۇلەس بەرۋ پۋنكتتەرىن كۇزەتۋ;
4) كومەندانتتىق قىزمەتتى ۇيىمداستىرۋعا جانە وتكەرۋگە قاتىسۋ;
5) قاجەت بولعان جاعدايدا مۇددەلى مەملەكەتتىك ورگانداردى, سونداي-اق حالىقتى توتەنشە جاعدايلار تۋىنداۋ قاۋپى, ۇرەيگە جانە جالعان ارانداتۋشى سىبىستاردى تاراتۋعا جول بەرمەۋ تۋرالى جەدەل قۇلاقتاندىرۋدى جۇرگىزۋگە ىشكى ىستەر ورگاندارىنىڭ قاتىسۋى;
6) قىزمەتتىڭ ازاماتتىق قورعاۋ جوسپارلارىن ازىرلەۋ جانە ۋاقىتىندا تۇزەتۋ;
7) ازاماتتىق قورعاۋ ءىس-شارالارىن جۇرگىزگەن كەزدە ولارعا جۇكتەلگەن مىندەتتەردى شەشۋگە ۆەدومستۆولىق باعىنىستى قىزمەتتەردى دايارلاۋعا باقىلاۋدى ۇيىمداستىرۋ جانە جۇزەگە اسىرۋ;
8) تابيعي جانە تەحنوگەندىك سيپاتتاعى توتەنشە جاعدايلار كەزىندە قوعامدىق ءتارتىپتى قورعاۋدى جانە جول قوزعالىسىنىڭ قاۋىپسىزدىگىن قامتاماسىز ەتۋ;
9) قۇتقارۋ جانە باسقا كەزەك كۇتتىرمەيتىن جۇمىستاردى جۇرگىزۋ ءۇشىن حالىقتى, سونداي-اق كولىكتىك جانە وزگە دە قۇرالداردى تارتۋعا ازاماتتىق قورعاۋدىڭ لاۋازىمدى ادامدارىنا جاردەمدەسۋ;
10) تابيعي جانە تەحنوگەندىك سيپاتتاعى توتەنشە جاعدايلاردان قورعاۋ تاسىلدەرىنە قىزمەتتىڭ جەكە قۇرامىن وقىتۋدى ۇيىمداستىرۋ;
11) قالا سىرتىنداعى ايماقتا ەۆاكۋاتسيالانعان حالىقتى تىركەۋدى قامتاماسىز ەتۋ جانە مەكەنجاي-انىقتامالىق جۇمىستاردى جۇرگىزۋ ءۇشىن باستاپقى مالىمەتتەردى دايىنداۋ;
12) تابيعي جانە تەحنوگەندىك سيپاتتاعى توتەنشە جاعدايلار تۋىنداعان كەزدە جانە سوعىس ۋاقىتىندا بەلگىلەنگەن تارتىپتە قىزمەتتىڭ كۇشتەر قىزمەتىنىڭ تۇراقتىلىعىن ارتتىرۋعا باعىتتالعان ءىس-شارالاردى ۇيىمداستىرۋ جانە جۇرگىزۋ;
13) قىزمەتتىڭ جەكە قۇرامىن جەكە قورعانۋ قۇرالدارىمەن, رادياتسيالىق, حيميالىق بارلاۋ اسپاپتارىمەن قامتاماسىز ەتۋ جانە دوزيمەتريالىق باقىلاۋ;
14) توتەنشە جاعدايلار كەزىندە جانە سوعىس ۋاقىتىندا ازاماتتىق قورعاۋ مىندەتتەرىن ورىنداۋدى قامتاماسىز ەتۋ ءۇشىن جەكە قۇرامدا جوعارى مورالدىق جانە پسيحولوگيالىق قاسيەتتى تاربيەلەۋ.
پاراگراف 9. ازاماتتىق قورعاۋدىڭ رادياتسيالىق قورعاۋ قىزمەتى
ازاماتتىق قورعاۋدىڭ رادياتسيالىق قورعاۋ قىزمەتى بەيبىت ۋاقىتتا جانە سوعىس ۋاقىتىندا حالىققا, اۋماققا جانە وبەكتىلەرگە يوندالعان ساۋلە شىعارۋ ىقپالىن بولدىرماۋ نەمەسە السىرەتۋ, سونداي-اق ولاردىڭ راديواكتيۆتى زاتتارمەن زاقىمدانۋىنان ساقتاۋ ماقساتىندا قۇرىلادى.
قىزمەت مىندەتتەرى:
1) راديواكتيۆتى زاقىمدانۋ تۋرالى باسقارۋ ورگاندارى مەن حالىقتى قۇلاقتاندىرۋدى ۇيىمداستىرۋ;
2) تابيعي جانە تەحنوگەندىك سيپاتتاعى توتەنشە جاعدايلار كەزىندە, قازىرگى زامانعى زاقىمداۋ قۇرالدارىن قولدانعان كەزدە حالىققا راديواكتيۆتى اسەردى بارىنشا تومەندەتۋ ماقساتىندا ءىس-شارالاردى ۇيىمداستىرۋ جانە جوسپارلاۋ;
3) راديواكتيۆتى زاتتاردى وندىرەتىن, ساقتايتىن نەمەسە قايتا وڭدەيتىن وبەكتىلەردە اۆاريا بولعان كەزدە, سونداي-اق بەيبىت ۋاقىتتا جانە سوعىس ۋاقىتىندا ولاردى تاسىمالداۋ كەزىندە راديواكتيۆتىك اسەردىڭ زالالىن ازايتۋ جونىندەگى ءىس-شارالاردى ازىرلەۋ جانە ورىنداۋ;
4) راديواكتيۆتى زاتتاردى وندىرۋدە جانە يوندالعان ساۋلە شىعارۋ كوزدەرىن پايدالاناتىن كاسىپورىندار مەن ۇيىمداردى ەسەپكە الۋدى جۇرگىزۋ;
5) راديواكتيۆتى زاقىمداۋ ايماقتارىندا دەزاكتيۆاتسيالاۋ جۇمىستارىن ۇيىمداستىرۋ جانە جۇرگىزۋ;
6) ءتيىستى باسقارۋ ورگاندارىمەن جانە اسكەري قولباسشىلىق كۇشتەرىمەن ءوزارا ءىس-قيمىلدى ۇيىمداستىرۋ جانە قولداۋ;
7) قىزمەت قۇزىرەتى شەگىندە ازاماتتىق قورعاۋدىڭ بارلىق ءىس-شارالار كەشەنىنە تىكەلەي باسشىلىق ەتۋدى جۇزەگە اسىرۋ.
پاراگراف 10. ازاماتتىق قورعاۋدىڭ حيميالىق قورعاۋ قىزمەتى
ازاماتتىق قورعاۋدىڭ حيميالىق قورعاۋ قىزمەتى بەيبىت ۋاقىتتا جانە سوعىس ۋاقىتىندا حيميالىق زاقىمدانۋدان حالىقتى, اۋماقتاردى جانە ۇيىمداردى ءتيىمدى قورعاۋدى قامتاماسىز ەتۋ, گازسىزداندىرۋ جۇمىستارىن جۇرگىزۋ, كۇشتى اسەر ەتەتىن ۋلى زاتتارمەن زاقىمداۋ وشاقتارىن جويۋ ماقساتىندا قۇرىلادى.
قىزمەت مىندەتتەرى:
1) حيميالىق زاقىمدانۋ قاۋپى نەمەسە تۋىنداۋى تۋرالى حالىقتى ۋاقىتىندا قۇلاقتاندىرۋدى ۇيىمداستىرۋ;
2) حيميالىق بارلاۋدى جۇرگىزۋ;
3) كۇشتى اسەر ەتەتىن ۋلى زاتتار وندىرەتىن, ساقتايتىن نەمەسە قايتا وڭدەيتىن وبەكتىلەردە اۆاريا بولعان كەزدە, سونداي-اق بەيبىت ۋاقىتتا جانە سوعىس ۋاقىتىندا ولاردى تاسىمالداۋ كەزىندە كۇشتى اسەر ەتەتىن ۋلى زاتتار اسەرىنەن زالالدى ازايتۋ جونىندەگى ءىس-شارالاردى ازىرلەۋ جانە ورىنداۋ;
4) تابيعي جانە تەحنوگەندىك سيپاتتاعى توتەنشە جاعدايلار ايماقتارىندا, زاقىمداۋ وشاقتارىندا حيميالىق زاقىمدانۋدىڭ ىقتيمال وشاقتارىنداعى احۋالدى بولجاۋ جانە باعالاۋ;
5) رەسپۋبليكالىق قاداعالاۋ جەلىسى جانە زەرتحانالىق باقىلاۋ مەكەمەلەرىنەن كۇشتى اسەر ەتەتىن ۋلى زاتتارمەن حيميالىق زاقىمدانۋ تۋرالى اقپاراتتى الۋ جانە قورىتىندىلاۋ;
6) حيميالىق زاقىمدانۋ كەزىندە توتەنشە جاعدايلار ايماقتارىندا جانە زاقىمداۋ وشاقتارىندا, حيميالىق زاقىمدانۋ جاعدايلارىندا قۇتقارۋ جانە باسقا كەزەك كۇتتىرمەيتىن جۇمىستاردى جۇرگىزۋگە قاتىساتىن حالىقتى جانە قۇرالىمداردىڭ جەكە قۇرامىن قورعاۋ رەجيمىن ازىرلەۋ;
7) حيميالىق زاقىمدانۋ كەزىندە حالىق اراسىندا قاعيدالار جانە ءىس-قيمىلدار تۋرالى ءتۇسىندىرۋ جۇمىستارىن جۇرگىزۋ;
8) حيميالىق زاقىمدانۋ ايماقتارىندا قۇتقارۋ جانە باسقا كەزەك كۇتتىرمەيتىن جۇمىستاردى جۇرگىزۋ كەزىندە قۇرالىمدار جەكە قۇرامىنىڭ قاۋىپسىزدىگى مەن قورعالۋىن قامتاماسىز ەتۋ;
9) قورعانىش قۇرىلىستارىندا اۋانى سۇزگىدەن وتكىزۋ مەن رەگەنەراتسيالاۋدىڭ تەحنيكالىق قۇرالدارىنىڭ جاي-كۇيىنە باقىلاۋ جاساۋ;
10) حيميالىق زاقىمدانۋمەن بايلانىستى, ونىڭ ىشىندە كۇشتى اسەر ەتەتىن ۋلى زاتتاردى تاسىمالداعان كەزدە تابيعي جانە تەحنوگەندىك سيپاتتاعى توتەنشە جاعدايلار سالدارىن جويۋدى ۇيىمداستىرۋ;
11) حيميالىق قاۋىپتى وبەكتىلەردى ەسەپكە الۋ.
پاراگراف 11. ازاماتتىق قورعاۋدىڭ ساۋدا قىزمەتى
ازاماتتىق قورعاۋدىڭ ساۋدا قىزمەتى بەيبىت ۋاقىتتا جانە سوعىس ۋاقىتىندا توتەنشە جاعدايلاردى جانە ولاردىڭ سالدارىن جويۋ كەزىندە ساۋدا قىزمەتىن ۇيلەستىرۋ ماقساتىندا قۇرىلادى.
قىزمەتتىڭ مىندەتتەرى:
1) بەيبىت ۋاقىتتا جانە سوعىس ۋاقىتىنداعى توتەنشە جاعدايلار كەزىندە ساۋدا قىزمەتى سالاسىندا باسشىلىق ەتۋدى قامتاماسىز ەتەدى;
2) وبلىستاردىڭ, رەسپۋبليكالىق ماڭىزى بار قالانىڭ, استانانىڭ, وبلىستىق ماڭىزى بار قالالاردىڭ ساۋدا قىزمەتتەرىنىڭ قىزمەتىن ۇيلەستىرەدى;
پاراگراف 12. ازاماتتىق قورعاۋدىڭ ەنەرگەتيكا قىزمەتى
ازاماتتىق قورعاۋدىڭ ەنەرگەتيكا قىزمەتى بەيبىت ۋاقىتتا جانە سوعىس ۋاقىتىندا تابيعي جانە تەحنوگەندىك سيپاتتاعى توتەنشە جاعدايلار, قازىرگى زامانعى زاقىمداۋ قۇرالدارىن قولدانۋ كەزىندە ازاماتتىق قورعاۋدىڭ ارنايى ءىس-شارالارىن ورىنداۋعا قاجەتتى ەنەرگەتيكالىق جانە وتىن رەسۋرستارىندا حالىق جانە ازاماتتىق قورعاۋ قۇرالىمدارى قاجەتتىلىكتەرىن قاناعاتتاندىرۋ ماقساتىندا قۇرىلادى.
قىزمەت مىندەتتەرى:
1) تۇتىنۋشىلاردى, ۇيىمداردى جانە رەسپۋبليكا حالقىن ۇزدىكسىز ەنەرگيامەن جابدىقتاۋ بويىنشا ەنەرگەتيكا جۇيەلەرى, جەلىلىك كاسىپورىندار جانە ەنەرگەتيكا وبەكتىلەرى جۇمىستارىنىڭ تۇراقتىلىعىن ارتتىرۋعا باعىتتالعان ءىس-شارالار جۇرگىزۋ;
2) جەكەلەگەن ەنەرگەتيكا وبەكتىلەرىنىڭ, ەلەكتر تاسىمالداۋ جەلىلەرىنىڭ, تۇتىنۋشىلاردىڭ ىستەن شىعۋىن ەسەپكە الا وتىرىپ, ەنەرگوجۇيەلەر مەن ەلەكتر ستانتسيالارىن جۇمىسقا دايىنداۋ, تابيعي جانە تەحنوگەندىك سيپاتتاعى توتەنشە جاعدايلار كەزىندە ەكىنشى كەزەكتەگى تۇتىنۋشىلاردى جەدەل سوندىرۋگە دايىنداۋ جونىندەگى ءىس-شارالاردى جۇزەگە اسىرۋ;
3) تابيعي جانە تەحنوگەندىك توتەنشە جاعدايلار كەزىندە تىرشىلىكتى قامتاماسىز ەتۋ جۇيەسىنە كىرەتىن اسا ماڭىزدى وبەكتىلەردى جانە جاۋاپتى تۇتىنۋشىلاردى ۇزدىكسىز ەلەكترمەن جابدىقتاۋدى ۇيىمداستىرۋ;
4) ەرەكشە جۇمىس رەجيمىنە ەنەرگەتيكالىق جەلىلەر مەن ەنەرگەتيكا وبەكتىلەرىن اۋىستىرۋ بويىنشا ءىس-شارالارعا باسشىلىق ەتۋ جانە جۇزەگە اسىرۋ;
5) باسقارۋ ورگاندارىن جانە ازاماتتىق قورعاۋ كۇشتەرى مەن قۇرالدارىن قۇرۋ, دايارلاۋ جانە تۇراقتى ازىرلىكتە ۇستاۋ, ماقساتى بويىنشا جۇمىستى جۇرگىزۋ ءۇشىن ەنەرگەتيكا كەشەنىن ۇيىمداستىرۋ;
6) مىنا:
تابيعي جانە تەحنوگەندىك سيپاتتاعى توتەنشە جاعدايلار, قازىرگى زامانعى زاقىمداۋ قۇرالدارىن پايدالانۋ سالدارىن جويۋ بويىنشا جۇمىستى قامتاماسىز ەتۋ ءۇشىن قاجەتتى ۇيىمداردا ماتەريالدىق قۇرالدار قورلارىنىڭ جيناقتالۋىن;
ەلەكترلىك ستانتسيالاردىڭ وتىن قورلارىنىڭ جيناقتالۋىن ەسەپكە الۋدى جۇرگىزۋ;
7) قىزمەتتىڭ قۇزىرەتى شەگىندە ازاماتتىق قورعاۋ ءىس-شارالارىنىڭ بارلىق كەشەنىنە تىكەلەي باسشىلىقتى جۇزەگە اسىرۋ.
پاراگراف 13. ازاماتتىق قورعاۋدىڭ جولدار جانە كوپىرلەر قىزمەتى
ازاماتتىق قورعاۋدىڭ جولدار جانە كوپىرلەر قىزمەتى بەيبىت ۋاقىتتا جانە سوعىس ۋاقىتىندا تابيعي جانە تەحنوگەندىك سيپاتتاعى توتەنشە جاعدايلار تۋىنداعان, قازىرگى زامانعى زاقىمداۋ قۇرالدارىن قولدانعان جاعدايدا ازاماتتىق قورعاۋ ءىس-شارالارىن وتكىزۋ كەزىندە جول-كوپىرمەن قامتاماسىز ەتۋدى, جولدار مەن كوپىرلەردى جوندەۋ مەن قايتا قالپىنا كەلتىرۋدى جوسپارلاۋ مەن ۇيىمداستىرۋعا ارنالعان.
قىزمەت مىندەتتەرى:
1) بەيبىت ۋاقىتتا جانە سوعىس ۋاقىتىنداعى تابيعي جانە تەحنوگەندىك سيپاتتاعى توتەنشە جاعدايلاردىڭ زاردابىنان جۇمىسشىلاردى, قىزمەتشىلەردى قورعاۋ جانە جول سالاسىنىڭ زالالىن ازايتۋ جونىندەگى ءىس-شارالار كەشەنىن دايىنداۋ جانە الدىن الا وتكىزۋ;
2) بەيبىت ۋاقىتتا جانە سوعىس ۋاقىتىندا ازاماتتىق قورعاۋدىڭ جول جانە ارنايى ءىس-شارالارىن ۇيىمداستىرۋ جانە وتكىزۋ;
3) ماقساتقا ساي ءىس-قيمىلدارعا قىزمەتتەر قۇرالىمدارىن قۇرۋ جانە ازىرلىكتە ۇستاۋ;
4) تابيعي جانە تەحنوگەندىك سيپاتتاعى توتەنشە جاعدايلار ايماقتارىندا, زاقىمداۋ وشاقتارىندا قۇتقارۋ جانە باسقا كەزەك كۇتتىرمەيتىن جۇمىستاردى جۇرگىزۋ كەزىندەگى ازاماتتىق قورعاۋ كۇشتەرىنىڭ جانە اۆاريالىق-قۇتقارۋ قىزمەتتەرى قۇرىلىمدارىنىڭ ءىس-قيمىلدارىن قامتاماسىز ەتۋ;
5) تابيعي جانە تەحنوگەندىك توتەنشە جاعدايلار كەزىندە رەسپۋبليكانىڭ اۆتوجولدار جەلىسىن, سول جەردەگى اسا ماڭىزدى وبەكتىلەردى تەحنيكالىق بۇركەمەلەۋ;
6) اۆتوموبيل جولدارىنىڭ جاي-كۇيىن بارلاۋدى ۇيىمداستىرۋ جانە جۇرگىزۋ;
7) تابيعي جانە تەحنوگەندىك سيپاتتاعى توتەنشە جاعدايلار, قازىرگى زامانعى زاقىمداۋ قۇرالدارىن قولدانۋ كەزىندەگى كولىكتىك كوممۋنيكاتسيالارداعى زاقىمدالۋلاردى جويۋ;
8) قۇتقارۋ جانە باسقا كەزەك كۇتتىرمەيتىن جۇمىستاردى جۇرگىزۋ وبەكتىلەرىنە كۇش پەن قۇرالداردى جىلجىتۋ جانە زارداپ شەگۋشىلەر مەن ماتەريالدىق قۇرالداردى ەۆاكۋاتسيالاۋ ءۇشىن لەكپەن جۇرەتىن جولداردى جابدىقتاۋ جانە جۇرەتىن (وتەتىن) جولدى جاساۋ;
9) بەيبىت ۋاقىتتا جانە سوعىس ۋاقىتىندا سالا وبەكتىلەرىندە قۇتقارۋ جانە باسقا كەزەك كۇتتىرمەيتىن جۇمىستاردى ۇيىمداستىرۋ جانە جۇرگىزۋ, زارداپ شەگۋشىلەرگە كومەك كورسەتۋ, وسى جۇمىستاردى جۇرگىزۋ ءۇشىن كۇشتەر مەن قۇرالداردى قۇرۋ جانە ازىرلىكتە ۇستاۋ.
10) تابيعي جانە تەحنوگەندىك سيپاتتاعى توتەنشە جاعدايلاردا جول سالاسى وبەكتىلەرىنىڭ تۇراقتى جۇمىسىن قامتاماسىز ەتۋ;
11) بەيبىت ۋاقىتتا, سوعىس ۋاقىتىندا جانە تابيعي جانە تەحنوگەندىك سيپاتتاعى توتەنشە جاعدايلار كەزىندە قالالىق, قالا سىرتىنداعى قوسالقى جانە قوسارلاس باسقارۋ پۋنكتتەرىنەن باسقارۋدى ۇيىمداستىرۋ;
12) اقپاراتتى جيناۋ جانە تالداۋ, اۆتوجولدار مەن كوپىرلەردەگى بۇزىلعان ۋچاسكەلەر ارقىلى ءوتۋدى قامتاماسىز ەتۋ بويىنشا شەشىمدەر قابىلداۋ ءۇشىن ۇسىنىستار ازىرلەۋ, مىندەتتەردى قويۋ جانە ورىنداۋ.
پاراگراف14. ازاماتتىق قورعاۋدىڭ كولىك قىزمەتى
ازاماتتىق قورعاۋدىڭ كولىك قىزمەتى بەيبىت ۋاقىتتا جانە سوعىس ۋاقىتىندا ارنايى ازاماتتىق قورعاۋ ءىس-شارالارىن كولىكتىك قامتاماسىز ەتۋ ماقساتىندا قۇرىلادى.
قىزمەت مىندەتتەرى:
1) ازاماتتىق قورعانىس جوسپارلارىنا سايكەس ازاماتتىق قورعاۋ ءىس-شارالارىن كولىكتىك قامتاماسىز ەتۋ ەسەبىن ازىرلەۋ;
2) قۇتقارۋ جانە باسقا كەزەك كۇتتىرمەيتىن جۇمىستاردى جۇرگىزۋ ورىندارىنا ءوزارا ءىس-قيمىل جوسپارلارى بويىنشا بەرىلەتىن زارداپ شەگۋشى حالىقتى, ازاماتتىق قورعاۋ كۇشتەرى مەن قۇرالدارىن, اسكەري بولىمدەرى مەن بولىمشەلەرىن تاسىمالداۋ بويىنشا تەمىرجول, تەڭىز, وزەن, اۋە جانە اۆتوموبيل كولىكتىك تاسىمالداۋ ۇيىمدارىن ۇيلەستىرۋ;
3) ىقتيمال جۇمىستار وبەكتىلەرىنە جۇمىسشىلار اۋىسىمىن تاسىمالداۋدى (اكەلۋ, اكەتۋ) ۇيىمداستىرۋ;
4) تابيعي جانە تەحنوگەندىك توتەنشە جاعدايلار سالدارىن جويۋعا جانە بولدىرماۋعا, زارداپ شەگۋشىلەرگە كومەك كورسەتۋگە قاجەتتى ازاماتتىق قورعاۋ جانە اۆاريالىق-قۇتقارۋ قىزمەتتەرى, ارنايى جۇكتەر قۇرالىمدارىنىڭ جەكە قۇرامىن جەتكىزۋدى قامتاماسىز ەتۋ;
5) قىزمەتتىڭ كولىك قۇرالىمدارىن قۇرۋ جانە قولدانۋعا ازىرلىكتە ۇستاۋ, ولاردى جەكە قۇراممەن, تەحنيكامەن جانە م ۇلىكپەن جاساقتاۋ;
6) قوسالقى بولشەكتەردىڭ, جانار-جاعارماي ماتەريالدارىنىڭ رەزەرۆتىك قورىن قۇرۋ;
7) قوزعالىس باعدارلارىندا تەحنيكالىق قىزمەت كورسەتۋدى جانە كولىك قۇرالدارىن جوندەۋدى ۇيىمداستىرۋ.
پاراگراف 15. ازاماتتىق قورعاۋدىڭ ۇلتتىق گيدرومەتەورولوگيالىق قىزمەتى
ازاماتتىق قورعاۋدىڭ گيدرومەتەورولوگيالىق قامتاماسىز ەتۋ قىزمەتى بەيبىت ۋاقىتتا جانە سوعىس ۋاقىتىندا قورشاعان ورتا جاعدايىنىڭ مونيتورينگىسىن, مەتەورولوگيالىق جانە گيدرولوگيالىق مونيتورينگىسىن جۇرگىزۋ ماقساتىندا قۇرىلادى.
قىزمەت مىندەتتەرى:
1) جەدەل باقىلاۋدى جۇرگىزۋ جانە اۆاريالار مەن اپاتتاردان, سونداي-اق قازىرگى زامانعى زاقىمداۋ قۇرالدارىن قولدانۋدان بولاتىن راديواكتيۆتىك جانە حيميالىق لاستاۋدى ولشەۋدى جۇزەگە اسىرۋ;
2) قاۋىپتى گيدرومەتەورولوگيالىق قۇبىلىستاردى, سەلدەردى, قار كوشكىندەرىن, قورشاعان تابيعي ورتا لاستانۋىنىڭ جوعارى دەڭگەيىن جانە ولارمەن بايلانىستى توتەنشە جاعدايلار, ولاردىڭ قاۋپى تۋرالى ۋاقتىلى قۇلاقتاندىرۋ;
3) ازاماتتىق قورعاۋدىڭ مەملەكەتتىك جۇيەسىنىڭ باسقارۋ ورگاندارىنا قورشاعان تابيعي ورتانىڭ لاستانۋ دەڭگەيى تۋرالى گيدرومەتەورولوگيالىق اقپاراتتى جانە دەرەكتەردى ۇسىنۋ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 17 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9593 بولىپ ەنگىزىلدى.