تۇلعالارعا تاس اتاتىن اداسقان جاستاردىڭ قاتارى كوبەيىپ بارادى. ءماجىلىستىڭ جالپى وتىرىسىندا «Amanat» پارتياسى فراكتسياسىنىڭ مۇشەسى جاناربەك ءاشىمجانوۆ اتالعان ماسەلەنى كوتەردى, دەپ حابارلايدى Egemen.kz.
« ۇلى ابايدى – كريشنايت, مۇستافانى قاشقىن, ءاليحاندى ءجويىت, ءشامشىنى «اراقكەش» دەپ, باتىرلارىمىزدى – بايعۇس, تۇلعالارىمىزدى – تۋلاق ەتىپ جاتقان مىسالدار از ەمەس. جۋىردا جەلىدە ءبىر جەلوكپەنىڭ ۇلت ۇستازى – احمەت بايتۇرسىن ۇلى بابامىزدىڭ بەينەسىن باس سالىپ توقپاقتاپ, جۇدىرىقتاپ جاتقانىن كورىپ جانىمىزدان تۇڭىلدىك. ال كۇنى كەشە ناداندىق پەن توپاستىقتىڭ قيىلىسقان نۇكتەسىنەن ءبۇر جارعان جاس بالا قازاق پوەزياسىنىڭ تاۋ تۇلعاسى مۇقاعالي ماقاتاەۆتىڭ ارۋاعىنا ءتىل تيگىزىپ, ەلدىڭ ەسىن ەكەۋ, ءتۇسىن تورتەۋ قىلدى», دەدى دەپۋتات.
ءماجىلىس دەپۋتاتى جاناربەك ءاشىمجانوۆتىڭ ايتۋىنشا, ۇكىمەت ۇلتىمىزدىڭ ۇلى تۇلعالارىن قورلاۋعا جول بەرمەيتىن شارالاردى زاڭدىق تۇرعىدان قولعا الۋى كەرەك.