ءتيىستى بۇيرىق وسى ايدىڭ 8-ءى, ياعني كۇنى كەشە عانا كۇشىنە ەندى, دەپ جازادى Egemen.kz.
ەگىن جيناۋ ماۋسىمىندا الما شەتەلدەن اكەلىنىپ, وتاندىق باعباندار ونىمدەرىن وتكىزە الماي قينالعان ەدى. ەندى جينالعان ءونىمدى ساقتاۋعا جانە ونى قولايلى باعامەن ساتۋعا مۇمكىندىك بەرىلىپ وتىر. ال ماۋسىمارالىق كەزەڭدە الما يمپورتى شەكتەلمەيدى.
«سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيا 2024 جىلعى 31 جەلتوقسانعا دەيىن اۆتوموبيل كولىگىمەن ءۇشىنشى ەلدەردەن الما اكەلۋگە تىيىم سالۋدى ەنگىزۋدى ماقۇلدادى», دەلىنگەن اۋىل شارۋاشىلىعى مينيسترلىگىنىڭ حابارلاماسىندا.
شەكتەۋ ەاەو-عا مۇشە مەملەكەتتەردەن الما اكەلۋگە جانە قازاقستان اۋماعى ارقىلى حالىقارالىق الما ترانزيتىنە اسەر ەتپەيدى.