اقتاۋ. 28 قاڭتار. ماڭعىستاۋ وبلىسىندا ايەل پويىز استىنا ءتۇسىپ ءولدى. بۇل تۋرالى egemen.kz ءتىلشىسى حابارلادى.
وقيعا 26 قاڭتار كۇنى ماڭعىستاۋ ستانساسىندا ورىن العان. 34 جاستاعى ايەل جاقىنداپ قالعان پويىزدىڭ استىنا قۇلاعان. ماشينيست دەرەۋ تەجەگىشتى باسقانمەن, ايەلدى امان ساقتاپ قالۋعا ۇلگەرمەگەن. ايەلدىڭ دەنەسى ەكىگە ءبولىنىپ, وقيعا ورنىندا جان تاپسىرعان. «الدىن الا مالىمەتتەر بويىنشا, وقيعانىڭ كۋاگەرلەرى ايەلدىڭ وزىنە ءوزى قول جۇمساعاندىعىن ايتۋدا جانە ول مۇنداي جاعدايعا تۋىستارىمەن اراداعى رەنىشكە بولا بارعان» دەپ حابارلايدى قۇقىق قورعاۋ ورنىدارىنىڭ مالىمەتىنە سۇيەنگەن لادا.kz سايتى. قازىرگى تاڭدا تەرگەۋ امالدارى جۇرگىزىلۋدە. وقيعانىڭ ناقتى ءمان-جايى تەرگەۋ ناتيجەسىندە انىقتالاتىن بولادى.
گۇلايىم شىنتەمىرقىزى.
دەرەك: egemen.kz.
سۋرەت: Lada.kz.