تالعار قالاسىندا 4 قازان كۇنى توبەلەس بولىپ, قالانىڭ 16 جاستاعى تۇرعىنى پىشاق جاراقاتىنان قايتىس بولعان. تاعى ەكى ازامات اۋىر دەنە جاراقاتىن العان, دەپ حابارلايدى Egemen.kz.
«پروكۋراتۋرا ورگاندارى كىسى ءولتىرۋ تۋرالى بۇل ءىستى ەرەكشە باقىلاۋعا العانىن رەسمي تۇردە حابارلايمىز. اتالعان قىلمىستى جاسادى دەگەن كۇدىك بويىنشا سوت 2 اي مەرزىمگە قاماۋدا ۇستاۋ تۇرىندەگى بۇلتارتپاۋ شاراسىنا سانكتسيا بەرىپ, جەتى كۇدىكتى ادام ۇستالدى», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
سونىمەن قاتار قاداعالاۋ ورگانى وسى جاعدايعا كىنالى تۇلعالاردى جاۋاپكەرشىلىككە تارتۋعا باعىتتالعان وبەكتيۆتى تەرگەۋ جۇرگىزىلەتىندىگىن اتاپ ءوتتى.
«تەرگەۋگە كومەكتەسەتىن كەز-كەلگەن اقپاراتپەن پروكۋراتۋرا نەمەسە ىشكى ىستەر ورگاندارىنا جۇگىنۋگە شاقىرامىز», دەپ قوستى ۆەدومستۆو وكىلدەرى.
ەسكە سالا كەتەيىك, 4 قازانعا قاراعان ءتۇنى تالعاردا ءبىر توپ جاستار اراسىندا جانجال شىعىپ, ارتى توبەلەسكە ۇلاسقان. قاقتىعىس سالدارىنان 16 جاستاعى ءجاسوسپىرىم العان جاراقاتتارىنان جانساقتاۋ بولىمىندە قايتىس بولعان.
ايتا كەتەيىك, جاقىندا بۇل ءىستى ىشكى ىستەر ءمينيسترى ەرجان سادەنوۆ جەكە باقىلاۋىنا العانى بەلگىلى بولدى.