قاراعاندى وبلىسىنىڭ قارقارالى اۋدانى جانە پاۆلودار وبلىسىنىڭ باياناۋىل تابيعي پاركىندەگى دالا ءورتى 45 مىڭ گەكتار جەردى شارپىعان. اۋدان اكىمى توتەنشە جاعداي جاريالادى, دەپ حابارلايدى Egemen.kz.
ءورتتى ءسوندىرۋ جۇمىستارىنا قاراعاندى وبلىسى توتەنشە جاعدايلار دەپارتامەنتى جانە جەرگىلىكتى اتقارۋشى ورگاندارىنىڭ كۇشتەرى مەن قۇرالدارىنان 386 ادام, 64 تەحنيكا, توتەنشە جاعدايلار جانە قورعانىس مينيسترلىگىنىڭ اۋە كەمەلەرى جۇمىلدىرىلعان. كۇش 4 جاۋىنگەرلىك ۋچاسكەگە بولىنگەن.
وعان قوسا ۇلتتىق ۇلان, كۋۆسكي ورمانشىلىعى, اقمولا وبلىسىنىڭ قۇتقارۋشىلارى مەن اسكەري بولىمدەر قول ۇشىن سوزعان.
«ەكپىندى جەل, تاۋلى جەر جانە ءورت وشاقتارىنا كىرمە جولداردىڭ بولماۋى ءورتتى ءسوندىرۋ جۇمىستارىن قيىنداتىپ جاتىر. جالىنمەن كۇرەسكە قاراعاندى وبلىسىنىڭ دەپارتامەنتى جانە جەرگىلىكتى اتقارۋشى ورگانداردىڭ كۇشتەرىنەن قۇرالعان 386 ادام, 64 تەحنيكا, اۋە كەمەلەر جۇمىلدىرىلدى», دەدى قاراعاندى وبلىسى تجد باستىعىنىڭ ورىنباسارى روللان ەسماعانبەتوۆ.