رەسپۋبليكالىق «ۇزدىك سىنىپ جەتەكشىسى» بايقاۋىنىڭ جەڭىمپازدارى انىقتالدى. بۇل تۋرالى وقۋ-اعارتۋ مينيسترلىگى حابارلادى, دەپ جازادى Egemen.kz.
ء«بىرتۇتاس تاربيە» باعدارلاماسى اياسىندا ۇيىمداستىرىلعان بايقاۋدىڭ اۋداندىق ىرىكتەۋ كەزەڭىنە 5 مىڭعا جۋىق سىنىپ جەتەكشىسى قاتىسقان. سونىڭ ىشىندە وبلىستىق كەزەڭگە 312 پەداگوگ جولداما يەلەنگەن. قورىتىندى رەسپۋبليكالىق كەزەڭدە سىنىپ جەتەكشىلەرى ۇستازدىق قىزمەتىنە قاتىستى پرەزەنتاتسيا ۇسىنىپ, كەيس سەسسياسىندا پەداگوگيكالىق جاعداياتتاردى شەبەر تالداۋ داعدىسى سىنالدى. بۇل كەزەڭنەن كەيىن بايقاۋعا قاتىسۋشىلار شىعارماشىلىق جوبالارىن قورعادى.
«بايقاۋدىڭ باستى ماقساتى – سىنىپ جەتەكشىلەرىنىڭ الەۋمەتتىك مارتەبەسىن كوتەرىپ, تاربيە جۇمىسىنداعى وزىق تاجىريبەسىن كەڭىنەن ناسيحاتتاۋ. وسى بايقاۋ ارقىلى تاربيە جۇمىسىنىڭ ءتيىمدى ادىستەرى مەن تەحنولوگيالارىن انىقتاۋ جانە تاراتۋدى كوزدەيمىز», دەدى تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ ديرەكتورى مەرۋەرت مەدەتبەكوۆا.
بايقاۋ ناتيجەسىندە پاۆلودار وبلىسى, ماي اۋدانىنداعى ە.مۇقاشەۆ اتىنداعى مەكتەپتىڭ ۇستازى عالامات جاڭابەك جانە اباي وبلىسىنداعى ەلەكتروتەحنيكا كوللەدجىنىڭ وقىتۋشىسى شىڭعىس شىناربەك ۇزدىك سىنىپ جەتەكشىلەرى اتاندى.
بايقاۋ قاتىسۋشىلارىنا «بالا جۇرەگىنە جول تاپقان ۇستاز», «ۇرپاق تاربيەسىندەگى ۇتىمدى يدەيا», «شابىتتاندىراتىن تالىمگەر», «اتا-انامەن ىنتىماعى جاراسقان», «كرەاتيۆتى كوشباسشى» نوميناتسيالارى دا تابىستالدى. بارلىق كونكۋرستىق قويىلىمدارعا اتا-انالاردى پەداگوگيكالىق قولداۋ ورتالىعىنىڭ اتا-انالار قوعامداستىعىنىڭ, سونداي-اق «مەنىڭ باۋىرىم» جوباسىنا قاتىسۋشىلاردىڭ وكىلدەرى قاتىستى.