داۋىس بەرۋ كەزىندە ەرەكشە قاجەتتىلىكتەرى بار ازاماتتار ءۇشىن سايلاۋ ۋچاسكەلەرىندە قولايلى جاعداي جاسالدى.
رەفەرەندۋم ۋچاسكەلەرىندە پاندۋستار, تۇتقالار مەن تاكتيلدى بەلگىلەر, كورۋ قابىلەتى بۇزىلعان ازاماتتارعا اۋديوجازبانى تىڭداعاننان كەيىن بيۋللەتەندەردى ءوز بەتىنشە تولتىرۋعا مۇمكىندىك بەرەتىن قولجەتىمدى ترافارەتتەر ورناتىلدى. سونىمەن قاتار مۇمكىندىگى شەكتەۋلى ادامدار تىركەلگەن ۋچاسكەلەردە جەكە كومەكشىلەر مەن سۋردواۋدارماشىلار قىزمەت كورسەتەدى.
استانا تۇرعىنى اسەمگۇل ءابدىراحمانوۆا №83 مەكتەپ-گيمنازيادا ورنالاسقان №56 سايلاۋ ۋچاسكەسىنە ينۆاتاكسي ارقىلى كەلدى. سايلاۋ ۋچاسكەسىندە وعان ىڭعايلى جانە قولجەتىمدى داۋىس بەرۋ ءۇشىن بارلىق مۇمكىندىك بەرىلدى.
«ۋچاسكەگە كەلگەنىمدە ەرىكتىلەر قارسى الىپ, جول كورسەتتى. بۇل رەفەرەندۋم - مۇمكىندىگى شەكتەۋلى جاندار ءۇشىن دە مۇمكىن ەمەس نارسە جوق ەكەنىن كورسەتتى», دەدى سايلاۋشى.