بۇگىن, 6 قازاندا ماڭعىستاۋ وبلىسىنىڭ اكىمى نۇرداۋلەت قيلىباي داۋىس بەرۋ ۋچاسكەسىنە كەلىپ, ءوز تاڭداۋىن جاسادى, دەپ حابارلايدى Egemen.kz.
وبلىستىڭ بارلىق ايماعىندا جالپىحالىقتىق رەفەرەندۋمعا قاتىسۋ بەلسەندى ءجۇرىپ جاتىر. وڭىردە 435 162 ادام داۋىس بەرۋگە قۇقىلى. 250 ۋچاسكەنىڭ 238-ءى حالىقپەن تىكەلەي جۇمىس ىستەيدى. ال 12 جابىق سايلاۋ ۋچاسكەسىندە اۋىسىم قىزمەتكەرلەرى, تەرگەۋ يزولياتورىنداعىلار, اۋرۋحاناداعى ناۋقاستار داۋىس بەرەدى.
ءوڭىر باسشىسى تۇرعىنداردى رەفەرەندۋمعا قاتىسىپ, تاڭداۋ جاساۋعا شاقىردى.
«بۇگىن ەلىمىزدە ماڭىزدى, تاريحي كۇن. جالپىحالىقتىق رەفەرەندۋم - قازاقستاننىڭ دەموكراتيالىق دامۋ جولىنداعى ماڭىزدى قادام. مەملەكەت باسشىسى قاسىم-جومارت توقاەۆ اتاپ وتكەندەي, داۋىس بەرەتىن تۇرعىندار ەلىمىزدىڭ قوعامدىق ومىرىندەگى ۇلكەن وزگەرىستەردى بولجايدى, ادام قۇقىقتارىن الدىڭعى ورىنعا قويادى», دەدى نۇرداۋلەت قيلىباي.
ماڭعىستاۋ وبلىسى