بۇگىن وبلىستاعى داۋىس بەرۋ ۋچاسكەلەرى تاڭعى ساعات 7:00-دەن باستاپ اشىلدى. قازاقستان رەسپۋبليكاسىنىڭ ءانۇرانى شىرقالىپ, تۇرعىندار تاڭ سارىدەن داۋىس بەرۋگە قاتىستى, دەپ حابارلايدى Egemen.kz.
ماڭعىستاۋ وبلىسىندا 435 162 ادام داۋىس بەرۋگە قۇقىلى. 250 ۋچاسكەدە 1 734 ادام جۇمىس ىستەپ جاتىر.
250 ۋچاسكەنىڭ 238-ءى حالىقپەن تىكەلەي جۇمىس ىستەيدى. ال 12 جابىق سايلاۋ ۋچاسكەسىندە اۋىسىم قىزمەتكەرلەرى, تەرگەۋ يزولياتورىنداعى تۇتقىندار, اۋرۋحاناداعى ناۋقاستار داۋىس بەرەدى.
«رەسپۋبليكالىق رەفەرەندۋم تۋرالى» كونستيتۋتسيالىق زاڭنىڭ 4-بابىنىڭ 4-تارماعىنا سايكەس رەفەرەندۋمعا قوعامدىق بىرلەستىكتەردىڭ وكىلدەرى, شەت مەملەكەتتەردەن جانە حالىقارالىق ۇيىمداردان بايقاۋشىلار قاتىسادى. وبلىستا 6 قوعامدىق بىرلەستىك اككرەديتاتسيادان وتكەن. رەفەرەندۋم كەزىندە ەرەكشە قاجەتتىلىكتەرى بار ازاماتتارعا ەرەكشە كوڭىل بولىنەدى. قازىرگى تاڭدا وبلىستا داۋىس بەرۋ قۇقىعىنا يە 2 923 مۇمكىندىگى شەكتەۋلى ازامات تۇرادى. ولار ءۇشىن ارنايى بولمەلەر دايىندالدى.