قوستاناي اۋدانىنىڭ سادوۆوي اۋىلىندا قايعىلى وقيعا بولدى. كاسىپورىنداردىڭ بىرىندە جۇمىسشى اۆتوماتتاندىرىلعان بەتون ارالاستىرعىشقا قۇلاپ قازا بولدى, دەپ حابارلايدى Egemen.kz.
توبولينفو جازعانداي, وقيعا 26 قىركۇيەكتە كىرپىش زاۋىتىندا بولعان.
پوليتسيا مالىمەتىنشە, 60 جاستاعى جۇمىسشى العان جاراقاتتارىنان وقيعا ورنىندا كوز جۇمعان. قازىرگى ۋاقىتتا قۇقىق قورعاۋ ورگاندارى ەڭبەك قاۋىپسىزدىگى ەرەجەلەرىن بۇزۋ دەرەكتەرى بويىنشا سوتالدى تەرگەۋ امالدارىن جۇرگىزىپ جاتىر.
اقپارات كوزدەرىنەن الىنعان مالىمەتكە قاراعاندا, ەر ادام رەسمي تۇردە جۇمىسقا تۇرماعان. قۇجاتتارعا سايكەس, ونىڭ قىزى كومپانيادا تىركەلگەن. مارقۇمنىڭ ارتىندا التى بالاسى قالدى.