قاراكول كولىنە ۇشقان العاشقى قوقيقازداردى جەرگىلىكتى تۇرعىن ازامات سارسەنباەۆ ۆيدەوعا تۇسىرگەن. بلوگەر نەلىكتەن كادرلاردا قوقيقاز قاۋىرسىندارى قىزعىلت ەمەس, سۇر ەكەنىن ايتتى, دەپ حابارلايدى Egemen.kz.
Lada.kz جازعانداي, قاراكول كولىنىڭ تۇراقتى تۇرعىندارى – قىزعىلت قوقيقازدار بۇگىن, 3 قازاندا ۆيدەوعا تۇسىرىلگەن.
بەينە اۆتورى, جەرگىلىكتى بلوگەر ازامات سارسەنباەۆتىڭ ايتۋىنشا, قۇستاردىڭ كەلۋ كۇنى تاڭقالارلىق ەمەس. ول قۇستاردىڭ قىركۇيەك ايىنىڭ ورتاسىندا ۇشىپ كەلىپ, قاراشا ايىنىڭ سوڭىنا دەيىن بولاتىنىن اتاپ ءوتتى.
«ەكىنشى رەت ولار ءداستۇرلى تۇردە ناۋرىز ايىنىڭ باسىندا ەكىنشى رەت ۇشىپ كەلىپ,مامىر ايىنىڭ ورتاسىنا دەيىن وسىندا بولادى, - دەدى ازامات.
جەلى قولدانۋشىلارى قىزعىلت قوقيقازدىڭ قاۋىرسىندارى ەرەكشە جانە سۇر ءتۇستى بولىپ كورىنگەنىنە تاڭ قالدى.
«سۇر – بۇل قوقيقازدىڭ ناعىز ءتۇسى, ولار تۋىلعان كەزدە وسى تۇسكە يە بولادى جانە بىرتىندەپ تاماقتانۋدىڭ ارقاسىندا (بەلگىلى ءبىر پيگمەنتتەرى بار بالدىرلار مەن شايان تارىزدىلەرمەن قورەكتەنەدى) ولار ەسەيگەن سايىن تانىس قىزعىلت جانە قىزىل تۇستەرگە اينالادى», - دەپ ءتۇسىندىردى بلوگەر.