استانالىق ترۋپپا «گالا وپەرا» اتتى كونتسەرتتىك باعدارلامانى تارتۋ ەتتى. بۇل كەشتىڭ باستى ەرەكشەلىگى - وپەرا جانرىنا ەندى اياق باسقان ونەرپازدارمەن قاتار بەكزادا ونەردىڭ بيىگىندە جۇرگەن ارتىستەر قاتىستى, دەپ حابارلايدى Egemen.kz.
اتالعان كونتسەرتتە «قىز جىبەك» وپەراسىنداعى شەگەنىڭ ارياسى, ء«بىرجان - سارا» ايتىسىنان ءۇزىندى, چايكوۆسكي, ۆيۆالدي سەكىلدى الەمدىك كومپوزيتورلاردىڭ شابىتقا تولى شىعارمالارى ورىندالدى. سونداي-اق فلەيتا مەن سكريپكاعا ارنالعان سىرلى مۋزىكاعا دا كەزەك بەرىلدى.
«استانا وپەرا» تەاترىنىڭ ديريجەرى ابزال مۇحيتدين ۇجىمنىڭ الداعى جوسپارىن ءبولىستى.
«كەز كەلگەن ۇجىم ءۇشىن گاسترولدىك ساپار ماڭىزدى جانە قاجەت ءىس-شارا دەپ ويلايمىن. بىرىنشىدەن, بۇل ءوز ونەرىن كورسەتۋ. ەكىنشىدەن, تاجىريبە الماسۋ. مىسالى, الداعى جەلتوقسان ايىندا جەرگىلىكتى تەاتر ءپۋچچينيدىڭ تيۋسسان وپەراسىن قويماق. ءبىزدىڭ باس حورمەيستەرىمىز, ەلىمىزدىڭ ەڭبەك سىڭىرگەن قايراتكەرى ەرجان ءداۋىتوۆ وسى وپەرا حاقىندا شەبەرلىك ساعاتىن وتكىزدى», دەيدى ول.