استانا قالاسىندا جۇمىسپەن قامتۋ جانە الەۋمەتتىك قورعاۋ باسقارماسىنىڭ ۇيىمداستىرۋىمەن الەۋمەتتىك سالا قىزمەتكەرلەرى اراسىندا سپارتاكيادا باستالدى, دەپ جازادى Egemen.kz.
سپارتاكيانىڭ اشىلۋ سالتاناتىنا جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى يليا سكۋب جانە اتالعان باسقارماعا قاراستى مەكەمەلەردىڭ باسشىلارى قاتىسىپ, سپورتشىلارعا ساتتىلىك تىلەدى. يليا ۆاسيلەۆيچتىڭ سوزىنشە سپارتاكيادانىڭ باستى ماقساتى – سالاۋاتتى ءومىر سالتىن ناسيحاتتاۋ عانا ەمەس, ۇجىمدار اراسىندا ىنتىماقتاستىقتى نەعۇرلىم نىعايتا ءتۇسۋ.
ايتا كەتسەك, سپارتاكياداعا 10-نان استام الەۋمەتتىك مەكەمە قاتىسىپ, ءار مەكەمەنىڭ شامامەن 30-35 وكىلى سپورتتىڭ 6 ءتۇرى بويىنشا جارىستاردا سىنالادى.
بۇگىن ەرلەر مەن ايەلدەر اراسىندا شاحماتتان جانە ءدال سونداي تۇرعىدا دويبىدان ماتچتار ءوتتى.
شاحماتتان ەرلەر اراسىندا:
1-ورىندى – «بەلسەندى ءومىر ءسۇرۋ» ورتالىعى,
2-ورىندى – «جانسايا» مەكەمەسى,
3-ورىندى – «قامقور» مەكەمەسى جەڭىپ الدى.
شاحماتتان ايەلدەر اراسىندا:
1-ورىن – «جانسايا» مەكەمەسى.
2-ورىن – «بەلسەندى ءومىر ءسۇرۋ» ورتالىعى.
3-ورىن – «شاراپات» مەكەمەسى.
دويبى ويىنى بويىنشا ەرلەر اراسىندا:
1-ورىندى «نۇرلى جۇرەك» مەكەمەسى,
2-ورىندى «قامقور» مەكەمەسى,
3-ورىندى «جانۇيا» ورتالىعى الدى.
دويبىدان ايەلدەر اراسىندا:
1-ورىن – «قامقور» ورتالىعى.
2-ورىن – «جانۇيا» ورتالىعى.
3-ورىن – «دەمەۋ» مەكەمەسى.
شاحمات پەن دويبىدان جارىستار «بەلسەندى ءومىر ءسۇرۋ» ورتالىعىندا ءوتتى. ەندى 4 قازاندا ەرلەر مەن ايەلدەر اراسىندا توعىزقۇمالاق سپورتىنان جانە 7 قازاندا ۇستەل تەننيسىنەن جارىستار اتالعان ورتالىقتا وتەدى.
جارىس ودان ءارى جالعاسادى. اتاپ ايتقاندا, 13 قازاندا شاعىن فۋتبولدان (مەكەنجاي: الماتى اۋدانىنداعى, ج.جيرەنتاەۆ كوشەسى, 15 ب 4 م-ن, 1 قابات), ال 19 قازاندا ۆولەيبولدان بارشىن كوشەسى 30/2 مەكەنجايىندا جارىستار وتەدى.
استانا قالاسىنداعى اۋىر اتلەتيكا فەدەراتسياسىنىڭ پرەزيدەنتى, سپورت شەبەرى, «بەلسەندى ۇزاق ءومىر ءسۇرۋ» ورتالىعى ديرەكتورىنىڭ ورىنباسارى مارات ءابدۋالي ۇلى ايتۋىنشا, اتالعان جارىس جىل سايىن ءوتىپ, داستۇرگە اينالعان.
«21 قازان – الەۋمەتتىك سالا قىزمەتكەرلەرى كۇنى قارساڭىندا جارىستىڭ قورىتىندىسى شىعارىلادى, ياعني, ءار كومانداداعى جەكەلەگەن اۋەسقوي سپورتشىلاردىڭ جەڭىپ العان ءبىرىنشى, ەكىنشى, ءۇشىنشى ورىندارى ەسەپتەلىنەدى جانە جالپىكوماندالىق ەسەپ بويىنشا جەڭىمپاز كوماندالار انىقتالادى. شاعىن جيىن, مەرەكەلىك كونتسەرت وتەدى جانە سپارتاكيادا جۇلدەگەرلەرى ماراپاتتالادى», دەيدى مارات ءابدۋالي ۇلى.