«قولىڭنان كەلسە, قونىشىنان باس», دەيتىن ەدى باياعىنىڭ قاريالارى. وسىنىڭ كەرىن باسقا ەمەس, وكرۋگ اكىمدەرى كەلتىرەتىنى, ارينە, وكىنىشتى جايت. ءماسەلەن, ماحامبەت اۋدانىنداعى بەيبارىس, باقساي جانە ماحامبەت اۋىلدىق وكرۋگتەرى اكىمدىكتەرىنىڭ قىزمەتكەرلەرى ءدالەلسىز مالىمەتتەر كورسەتىلگەن قۇجاتتار نەگىزىندە زاڭسىز سۋبسيديا بەرۋگە جاعداي تۋعىزعان.
ال ءتيىستى زاڭدىلىققا سۇيەنگەن اۋداندىق پروكۋراتۋرا مۇنى سىبايلاس جەمقورلىققا جاعداي تۋعىزاتىن ءىس رەتىندە قاراستىرىپ وتىر. بۇل, ارينە, اۋداندىق پروكۋراتۋرامەن سۋبسيديالاردى ءبولۋ جانە بەرۋدىڭ زاڭدىلىعىنا جۇرگىزىلگەن تەكسەرۋدە انىقتالىپتى. زاڭسىز بەرىلگەن سۋبسيديانىڭ جالپى سوماسى 4 334 960 تەڭگەنى قۇرايدى.
وسىلايشا سىبايلاس جەمقورلىققا جاعداي تۋعىزاتىن قۇقىق بۇزۋشىلىقتار جاساعانى ءۇشىن باقساي, بەيبارىس جانە ماحامبەت اۋىلدىق وكرۋگتەرى اكىمى اپپاراتتارىنىڭ 3 جاۋاپتى قىزمەتكەرى تارتىپتىك جاۋاپكەرشىلىككە تارتىلدى.
جولداسبەك شوپەعۇل,
«ەگەمەن قازاقستان».
اتىراۋ وبلىسى.