ماجىلىستە قارجى جانە بيۋدجەت كوميتەتىنىڭ توراعاسى تاتيانا ساۆەلەۆانىڭ جەتەكشىلىگىمەن 2025-2027 جىلدارعا ارنالعان رەسپۋبليكالىق بيۋدجەت جانە ۇلتتىق قوردان كەپىلدەندىرىلگەن ترانسفەرت تۋرالى زاڭ جوبالارىنىڭ تانىستىرىلىمى ءوتتى. وعان پالاتا ۆيتسە-سپيكەرى دانيا ەسپاەۆا, مەملەكەتتىك ورگاندار مەن ۇكىمەتتىك ەمەس ۇيىمداردىڭ وكىلدەرى قاتىستى, دەپ حابارلايدى Egemen.kz ءماجىلىستىڭ ءباسپاسوز قىزمەتىنە سىلتەمە جاساپ.
قارجى ۆيتسە-ءمينيسترى ابزال بەيسەنبەك ۇلى «2025-2027 جىلدارعا ارنالعان رەسپۋبليكالىق بيۋدجەت تۋرالى» زاڭ جوباسى تۋرالى بايانداما جاسادى. ونىڭ ايتۋىنشا, 2025 جىلعا ارنالعان كىرىستەر 21,7 ترلن تەڭگە كولەمىندە بولجانىپ وتىر, ونىڭ 15,6 ترلن تەڭگەسى - ترانسفەرتتەردى ەسەپكە الماعانداعى كىرىستەر. شىعىستار 25,8 ترلن تەڭگەگە دەيىن ارتادى. بۇل رەتتە بيۋدجەت الدىڭعى جىلدارداعىداي الەۋمەتتىك باعىتتا قالادى.
«قازاقستان رەسپۋبليكاسىنىڭ ۇلتتىق قورىنان 2025-2027 جىلدارعا ارنالعان كەپىلدەندىرىلگەن ترانسفەرت تۋرالى» زاڭ جوباسىنىڭ نورمالارى تۋرالى ۇلتتىق ەكونوميكا ۆيتسە-ءمينيسترى ازامات ءامرين بايانداما جاسادى. ول 2025-2027 جىلدارعا ارنالعان رەسپۋبليكالىق بيۋدجەتكە كەپىلدەندىرىلگەن ترانسفەرت كولەمى جىل سايىن 2 تريلليون تەڭگە كولەمىندە بەلگىلەنگەنىن ايتتى.
تانىستىرىلىمنان كەيىن جيىنعا قاتىسۋشىلار زاڭ جوبالارىن تالقىلادى. ولار بويىنشا جۇمىس جۇمىس توپتارىنىڭ وتىرىستارىندا جالعاسادى. جۇمىس توپتارىنا قارجى جانە بيۋدجەت كوميتەتىنىڭ مۇشەسى ەركىن ءابىل جەتەكشىلىك ەتەدى. تالقىلاۋ بارىسىندا دەپۋتاتتار تاراپىنان ايتىلعان ۇسىنىستار مەن پىكىرلەر ەسكەرىلەدى.