ەلباسى نۇرسۇلتان نازارباەۆ مادەنيەت جانە سپورت ءمينيسترى ارىستانبەك مۇحامەدي ۇلىن جانە تانىمال پەداگوگ-حورەوگراف, رەسەي فەدەراتسياسىنىڭ حالىق ءارتىسى التىناي اسىلمۇراتوۆانى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا وتاندىق مادەنيەت جانە بالەت ونەرىنىڭ قازاقستانداعى قازىرگى جاعدايى مەن دامۋ پەرسپەكتيۆالارى تالقىلاندى.
نۇرسۇلتان نازارباەۆ ەلدەگى مادەنيەت سالاسىنىڭ ەلەۋلى ءرولىن, ونى دامىتۋ ءۇشىن ءتيىستى ينفراقۇرىلىم قالىپتاستىرۋدى دا قوسا قامتيتىن قاجەتتى جاعدايلاردى جاقسارتۋدىڭ ماڭىزدىلىعىن اتاپ ءوتتى.
مەملەكەت باسشىسى, سونداي-اق, ەل ىشىندە دە, سىرتتا دا مويىندالىپ ۇلگەرگەن قازاقستاندىق مادەنيەتتىڭ الەۋەتى زور ەكەنىنە نازار اۋداردى.
ا.اسىلمۇراتوۆا ءوزىن قابىلداعانى ءۇشىن قازاقستان پرەزيدەنتىنە العىسىن ءبىلدىرىپ, شىعارماشىلىق جوسپارلارى جونىندە جانە بولاشاقتا ەلىمىزدىڭ شىعارماشىلىق ۇجىمدارىمەن ىنتىماقتاسۋعا دايىن ەكەندىگىن ايتتى.
سۋرەتتەردى تۇسىرگەندەر
س.بوندارەنكو, ب.وتارباەۆ.