تەڭگە باعامى تۇراقتالدى

رەسپۋبليكالىق بيۋدجەتتەگى ترانسفەرتتەردى قامتاماسىز ەتۋ ماقساتىندا بىرقاتار ءىس اتقا­رىلىپ جاتىر. مىسالى, قىر­كۇيەكتە ۇلتتىق قوردان 945 ملن دوللار ۆاليۋتا ساتىلدى. ۇلت­تىق قوردان ساتۋ ۇلەسى جالپى ساۋدا-ساتتىق كولەمىنىڭ 20%-ىن قۇرادى. ياعني كۇنىنە 45 ملن دوللاردان اسپايدى. ۇلتتىق بانك قور قاراجاتىمەن وپەراتسيالار جۇرگىزۋ كەزىندە نارىقتىڭ بەيتاراپ قاعيداتىن ساقتايدى. بۇل شەتەل ۆاليۋتاسىن ۇدايى جانە بىركەلكى ساتۋدى بىلدىرەدى. مۇنداي تاجىريبە ۇلتتىق قور وپەراتسيالارىنىڭ ۆاليۋتا نارىعىنا اسەرىن بارىنشا ازايتۋعا مۇمكىندىك بەرەدى.

ۇلتتىق بانك دەرەگىنشە, بجزق زەينەتاقى اكتيۆتەرىنىڭ ۆاليۋتالىق ۇلەسىن 40%-عا دەيىن ۇلعايتۋ ماقساتىندا قىركۇيەكتە بيرجالىق ساۋدا-ساتتىقتا شەتەل ۆاليۋتاسىن ساتىپ الۋ وپەراتسياسىن جالعاستىردى. ونىڭ جالپى سوماسى 500 ملن دوللاردى نەمەسە نارىقتىڭ جالپى كولەمىنىڭ شامامەن 11%-ىن قۇرادى.

«قازاتومونەركاسىپ» اق اكتسيالارىن ساتىپ الۋ تۋرالى ۇكىمەت شەشىمىن ىسكە اسىرۋ اياسىندا ۇلتتىق بانك شىلدەدە ۇلت­تىق قورداعى ۆاليۋتالىق اك­تيۆ­تەردىڭ ءبىر بولىگىن ساتۋ ار­قىلى ۇلتتىق بانكتىڭ التىن-ۆاليۋتا رەزەرۆتەرىنە كونۆەرتاتسيالادى. نارىقتىڭ بەيتاراپ قاعيداتىن ساقتاپ, وسى وپەراتسيا­نى ۆاليۋتا نارىعىنا شىعارۋ ماقساتىندا ۇلتتىق بانك شىلدە ايىنىڭ ورتاسىنان باستاپ ساتىپ الىنعان كولەمدى بىركەلكى ساتۋعا كىرىستى. اتالعان وپەراتسيا اياسىندا ۇلتتىق بانكتىڭ التىن-ۆاليۋتا رەزەرۆتەرىنەن ساتۋ كولەمى قىركۇيەكتە 241,5 ملن دوللاردى قۇرادى. 2024 جىلعى قازاندا 240 ملن دوللاردان 260 ملن دوللارعا دەيىنگى مولشەردە التىن-ۆاليۋتا رەزەرۆتەرىنەن ۆاليۋتا ساتىپ الۋ كۇتىلەدى.

2024 جىلعى قازاندا بجزق زەينەتاقى اكتيۆتەرىنىڭ ۆاليۋ­تا­لىق ۇلەسىن ۇستاپ تۇرۋعا 850 ملن دوللاردان 950 ملن دوللارعا دەيىنگى مولشەردە ۆاليۋتا ساتىپ الۋ جوسپاردا بار.

ۇلتتىق بانك ترانسپارەنتتىلىك قاعيداتى اياسىندا ۆاليۋتا نارى­عىن­دا جۇرگىزىلەتىن بارلىق وپە­را­تسيا تۋرالى اقپاراتتى تو­لىق اشىپ كورسەتۋدى كوزدەيدى. قىس­قا­مەرزىمدى پەرسپەكتيۆادا تەڭگەنىڭ ديناميكاسى نارىققا قاتىسۋشىلاردىڭ كۇتۋلەرىنە, توق­ساندىق سالىق تولەمدەرىنە, الەم­دىك نارىقتارداعى احۋالعا, گەوساياسي جاعدايدىڭ وزگەرۋىنە بايلانىستى بولادى.