بۇل تۋرالى كولىك مينيسترلىگىنەن ءمالىم بولدى, دەپ حابارلايدى Egemen.kz.
قۇرىق, اقتاۋ, باۋتينو پورتتارىنىڭ ۇشەۋى دە ماڭعىستاۋ وبلىسىندا ورنالاسقان.
بۇگىن اقتاۋ پورتىنىڭ قۇرىلعانىنا 61 جىل تولدى. پورتقا يران, تۇرىكمەنستان, ازەربايجان, رەسەي جانە ت.ب. ەلدەردەن ءتۇرلى جۇك كەلەدى.
باۋتينو جۇك پورتى جۇمىسىن 1887 جىلى باستاعان.
ال قۇرىق پورتى 2016 جىلى پايدالانۋعا بەرىلگەن. بيىل ماماندار پورتتىڭ ءتۇبىن 1,5-2 مەترگە دەيىن تەرەڭدەتۋ جۇمىستارىن قولعا العان. اتالعان جۇمىس پورتتاعى تەرمينالداردىڭ وتكىزۋ قابىلەتىن ەداۋىر ارتتىرادى دەپ جوسپارلانىپ وتىر.
وسى جىلدىڭ 8 ايىندا وتاندىق تەڭىز پورتتارى ارقىلى 5 ملن توننا جۇك اۋىستىرىلىپ تيەلگەن. نەگىزگى تاسىمالداناتىن جۇكتەر – مۇناي, ءتۇرلى مەتالل, استىق جانە ت.ب.