تايلاندىڭ بانگكوك قالاسىنىڭ ماڭىندا 40-تان استام وقۋشى مەن مۇعالىمدەر مىنگەن اۆتوبۋس ورتەنىپ كەتكەن, دەپ حابارلايدى Egemen.kz.
Xinhua اگەنتتىگىنىڭ حابارلاۋىنشا, قۇتقارۋشىلارعا جەرگىلىكتى ۋاقىت بويىنشا شامامەن 00:28-دە اۆتوبۋستىڭ وتقا ورانعانى تۋرالى حابارلاما تۇسكەن.
حابارلانعانداي, اۆتوبۋستا 42-گە جۋىق جولاۋشى بولعان, ولاردىڭ اراسىندا مەكتەپكە دەيىنگى مەكەمەنىڭ وقۋشىلارى مەن مۇعالىمدەرى دە بار. قىزىل جالىن سالدارىنان كوپتەگەن جولاۋشى زارداپ شەككەن, ءتىپتى قازا تاپقاندار دا بار. 19 ادام قۇتقارىلدى.