قر جوعارعى سوتىنىڭ توراعاسى اسلامبەك مەرعاليەۆ باستاعان دەلەگاتسيا قىتايدىڭ ءۇرىمشى قالاسىندا وتكەن «قىتاي – ورتالىق ازيا» جوعارعى سوت توراعالارىنىڭ كەڭەسىنە قاتىستى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
ءىس-شارا ترانسشەكارالىق سوت تورەلىگىنىڭ وزەكتى ماسەلەلەرىن جانە قىلمىسپەن كۇرەسۋدەگى ىنتىماقتاستىقتى, سونداي-اق قورشاعان ورتا رەسۋرستارىن سوت ارقىلى قورعاۋدى دامىتۋدى تالقىلاۋ ءۇشىن ورتالىق ازيا مەن قىتايدىڭ جوعارى دارەجەلى سوت وكىلدەرىن جيناعان.
ساپار بارىسىندا قازاقستاننىڭ دەلەگاتسياسى قۇقىق قورعاۋ, سوت تورەلىگىن تسيفرلاندىرۋ جانە حالىقارالىق قىلمىستارمەن كۇرەس ماسەلەلەرىن تالقىلاعان.
كەزدەسۋ اياسىندا قحر جوعارعى حالىق سوتىنىڭ توراعاسى چجان تسزيۋنمەن ەكىجاقتى كەلىسسوزدەر جۇرگىزىلىپ, ونىڭ بارىسىندا سوت سالاسىنداعى ىنتىماقتاستىقتى نىعايتۋ پەرسپەكتيۆالارى تالقىلانعان.
كەزدەسۋدىڭ قورىتىندىسى بويىنشا قاتىسۋشى ەلدەردىڭ سوت سالاسىنداعى ارىپتەستىكتى ودان ءارى دامىتۋ جونىندەگى نيەتىن بەكىتەتىن ء«ۇرىمشى مالىمدەمەسىنە» قول قويىلدى.