وقۋشىلاردى دەنساۋلىق پەن باقۋاتتىلىققا داعدىلاندىراتىن باعدارلاما ىسكە قوسىلدى

بۇل باعدارلامانى دەنساۋلىق جانە ءال-اۋقات سالاسىنىڭ ساراپشى «Amway Central Asia» جشس-نىڭ قولداۋىمەن, الماتى قالالىق ءبىلىم باسقارماسىنىڭ شارۋاشىلىق جۇرگىزۋ قۇقىعىنداعى «قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعى» مەملەكەتتىك كوممۋنالدىق كاسىپورنى ازىرلەپ وتىر.

كۋرس مەتاپاندىك داعدىلاردى قالىپتاستىرىپ, بيولوگيا, الەۋمەتتانۋ جانە باسقا دا پاندەردى تەرەڭدەتىپ وقىتاتىن سىنىپتاردا قولدانىلۋى كادىك. ەلەكتيۆتى كۋرس ء«بىرتۇتاس تاربيە» ۇلتتىق تاربيە بەرۋ باعدارلاماسىنىڭ قۇندىلىقتارىن جەتەلەۋدى كوزدەيدى.

كۋرس 6 بولىمنەن – Amway-ءدىڭ گۇل كۇلتەسىنە ۇندەس 6 تاقىرىپتان تۇرادى: ء«تان ساۋلىعى», «اقىل-وي ساۋلىعى», «قوعاممەن بايلانىس», «تۇلعالىق دامۋ», «قارجىلىق الاۋقات» جانە «پلانەتامىزدىڭ دەنساۋلىعى».

ء«بىزدىڭ كومپانيا وسى سالادا ەرەكشە بىلىمگە يە جانە ءبىز بىلگەنىمىزدى جۇرتقا تاراتقىمىز كەلەدى. التى كۇلتەسى بار Amway گ ۇلى دەنساۋلىق پەن ءال-اۋقاتقا جان-جاقتى قاراۋدى بەينەلەيدى. بۇل تەك فيزيكالىق دەنساۋلىق پەن قارجىلىق ءال-اۋقاتقا عانا قاتىستى ەمەس, سونىمەن قاتار ءپوزيتيۆتى ويلاۋ, ادامدارمەن ورتاق مۇددەگە جۇمىلۋ مەن جان-دۇنيەڭدى قاناعاتتاندىرىپ ءارى تابىس اكەلەتىن ىسپەن اينالىسۋدى قامتيتىن تۇتاس كەشەن. وسى كەشەندى كوزقاراس يدەياسىن قازاقستاننىڭ ءبىلىم بەرۋ مەكەمەلەرى مەن مەكتەپتەرى قولداپ, دامىتۋعا شەشىم قابىلدادى. ءبىز قوعامعا, ءوسىپ كەلە جاتقان ۇرپاققا جانە جۇمىس ىستەپ جاتقان ەلىمىزگە پايدامىزدىڭ تيەتىنىنە قۋانامىز. ساۋ-سالامات بولۋ جانە الەۋمەتتىك تۇرعىدا جايلى ءومىر ءسۇرۋ – بۇگىندە بۇل جاي عانا ب ۇلىڭعىر ۇعىم ەمەس, بۇل تابىستى بولاشاققا ارنالعان ءىس-ارەكەت الگوريتمى. جاسوسپىرىمدەرگە جەكە تۇلعالىق قابىلەت-قارىمىن ءوز بەتىنشە ۇيلەسىمدى, تولىققاندى دامىتۋ قيىن. ولار ەرەسەكتەردىڭ كومەگىنە سۇيەنبەيىنشە, كەيدە ءوز ومىرىنە بىرجاقتى قاراپ, ونىڭ بارلىق قىرىن تولىق كورە الماعاندىقتان, تۇراقتىلىق پەن تەپە-تەڭدىككە قول جەتكىزە المايدى. قازاقستاندا بۇرىن-سوڭدى مۇنداي كۋرس بولماعان, بىراق ونىڭ كەرەك ەكەنىن, ىسكە اسىراتىن ۋاقىت كەلگەنىن كورىپ وتىرمىز, سوندىقتان جوعارى سىنىپ وقۋشىلارىنا ۇيلەسىمدى, دۇرىس ءومىر ءسۇرۋدى ۇيرەتەتىن باعدارلاما ازىرلەۋ قاجەت بولدى, – دەدى الماتى قالاسى ءبىلىم باسقارماسىنىڭ ء«بىلىم بەرۋدەگى جاڭا تەحنولوگيالاردىڭ قالالىق عىلىميادىستەمەلىك ورتالىعى» شجق مكك ديرەكتورىنىڭ ادىستەمەلىك جۇمىس جونىندەگى ورىنباسارى, باعدارلاما مەن ادىستەمەلىك ۇسىنىستاردىڭ اۆتورى ساندۋعاش اتەيبەك. – ءبىز وسىنى جۇزەگە اسىرا العانىمىزعا قۋانىشتىمىن. وقۋشىلاردىڭ تانىمدىق, فيزيكالىق جانە الەۋمەتتىك بەلسەندىلىگىن دامىتا وتىرىپ, ءبىزدىڭ باعدارلامامىز جاسوسپىرىمدەرگە ءوزىن-ءوزى جاقسىراق تۇسىنۋىنە, جاسوسپىرىمدىك كەزەڭدى جەڭىل وتكەرۋىنە جانە تابىستى ءومىر سۇرۋىنە كومەكتەسەدى», دەدى «Amway Central Asia» جشس-ءنىڭ باس ديرەكتورى نيك مۋزاشۆيلي.

استانا قالاسى اكىمدىگىنىڭ «ادىستەمەلىك ورتالىعى» مكقك ءبولىمىنىڭ باسشىسى انار دوسمۇحامەت: «جوعارى سىنىپ وقۋشىلارىنا ارنالعان وسىنداي باعدارلاما بار ەكەنىن بىلگەندە, ءبىز ونى استانادا ەنگىزىپ, دامىتىپ, كەڭەيتكىمىز كەلدى, سونداي-اق وسى كۋرس نەگىزىندە جاسوسپىرىمدەرمەن ءىس-شارالار وتكىزۋدى جوسپارلادىق. بۇل ءوسىپ كەلە جاتقان ۇرپاق ءۇشىن وتە وزەكتى تاقىرىپ, اسىرەسە سوڭعى جىلدارى جاسوسپىرىمدەر ءجيى تاپ بولاتىن قيىندىقتارعا قاراپ, ولاردىڭ بويىندا سالاۋاتتى جانە ۇيلەسىمدى ءومىر سالتىن ۇستانۋ داعدىسىنىڭ تومەن ەكەنىن بايقايمىز. كۋرس باعدارلاماسى وسى جانە دەنساۋلىق پەن ءال-اۋقاتقا قاتىستى باسقا دا ماڭىزدى ماسەلەلەردى تۇسىندىرۋگە كومەكتەسەدى. قازاقستانداعى مەملەكەتتىك مەكتەپتەر سياقتى, جەكەمەنشىك مەكتەپتەر ءۇشىن دە جوعارى سىنىپ وقۋشىلارى اراسىندا دەنساۋلىق پەن ءال-اۋقات تاقىرىبىن دامىتۋ باعدارلامالارى اسا ماڭىزدى», دەدى.

ءباسپاسوز ءماسليحاتىندى رەسپۋبليكالىق جەكە ءبىلىم بەرۋ ۇيىمدارى اسسوتسياتسياسىنىڭ جەتەكشىسى روزا سادىقوۆا: ء«بىز بۇل جوبانى جوعارى سىنىپ وقۋشىلارىن كەلەشەكتە سالاۋاتتى, جايلى ءومىر سۇرۋگە دايىنداۋدىڭ ماڭىزدى بولىگى رەتىندە قولداۋعا دايىنبىز. دەنساۋلىقتى ساقتاۋ مەن نىعايتىپ, ءال-اۋقاتىن جاقسارتۋ ءۇشىن جاسوسپىرىمدەردىڭ ءبىلىم-بىلىگى مەن داعدىسىن قالىپتاستىرۋ قاجەت. بۇگىنگى جاستاردى وسى باعىتتا وقىتىپ, تاربيەلەسەك, ەرتەڭ ەسەيگەندە ولاردىڭ دەنى ساۋ جانە باقىتتى ازامات بولاتىنىنا سەنەمىن». ەلەكتيۆتى كۋرستىڭ ساباقتارىندا توپتىق, جۇپتىق جانە جەكە جۇمىس جۇرگىزىلەدى, سونداي-اق ەۆريستيكالىق, ەكسپەريمەنتتىك اڭگىمە, ينتەراكتيۆتى ادىستەر مەن ادىستەمەلەر, بەينەماتەريالدار, يميتاتسيالىق ويىندار قولدانىلادى. شىعارماشىلىق تاپسىرمالار وقۋشىلاردى تاقىرىپتاردى تالداۋعا, نەگىزگى تەرميندەرمەن جۇمىس ىستەۋگە, وي قورىتۋعا, قورىتىندى جاساۋعا, ديلەممالاردى شەشۋگە ۇيرەتەدى. ساباق وقۋشىلاردىڭ ءبىلىم الۋى مەن بولاشاقتا ەڭبەك ەتۋىنە قاجەتتى كوممۋنيكاتيۆتىك قابىلەت-قارىمىن جەتىلدىرۋگە كومەكتەسەدى. مۇنىڭ ءبارى وقۋشىنىڭ ۇيلەسىمدى تۇلعا بوپ قالىپتاسۋىنا ىقپال ەتەدى. ءبىزدىڭ ورتاق ماقساتىمىز – كەشەندى كوزقاراستىڭ التى نەگىزگى باعىتى ارقىلى ادامدارعا ءومىر ساپاسىن جاقسارتۋىنا جانە سالاۋاتتى ءومىر سالتىن ۇستانۋىنا كومەكتەسۋ. الداعى ۋاقىتتا جوبانى بۇكىل قازاقستان اۋماعىنا كەڭەيتىپ, سونداي-اق ۋنيۆەرسيتەتتەر مەن كوللەدج ستۋدەنتتەرىنە ارنالعان وسىعان ۇقساس كۋرس دايىنداۋدى جوسپارلاپ وتىرمىز», دەيدى.

كۋرس باعدارلاماسى مۇعالىمدەر, اتا-انالار مەن وقۋشىلاردى كوزدەگەن ماقساتقا جۇمىلدىرىپ, وسى جولدى بىرگە ءجۇرىپ وتۋگە شاقىرادى.

الماتى