اقمولا وبلىستىق سوتىنىڭ ازاماتتىق ىستەر القاسى كوپبالالى انانىڭ جشس باسشىلىعىنىڭ جۇمىستان بوساتۋ تۋرالى بۇيرىعىن جارامسىز دەپ تانۋ تۋرالى تالاپ ارىزى بويىنشا ازاماتتىق ءىسىن قارادى, دەپ جازادى Egemen.kz.
سوتتىڭ مالىمەتىنشە, كوپبالالى ايەل 2023 جىلدىڭ قىركۇيەگىنەن باستاپ دۇكەندە كاسسير بولىپ جۇمىس ىستەگەن. 2024 جىلدىڭ 4 ناۋرىزىندا ول ديرەكتوردان سۇرانىپ, ءتورت ساعات بويى جۇمىس ورنىندا بولماعان, ونىڭ ورنىنا ارىپتەسى جۇمىس ىستەي تۇرعان.
«بىراق دۇكەن ديرەكتورى جۇمىستا بولماعانى تۋرالى اكت جاساپ, تۇسىنىكتەمە جازدىرىپ, جۇمىستان شىعارۋ تۋرالى شەشىم شىعارعان. سوت جۇمىستان بوساتىلۋىن زاڭسىز دەپ تاپتى. جۇمىستان بوساتۋ تۇرىندەگى تارتىپتىك جازاعا نەگىز جوق. كۋاگەرلەر مەن دۇكەن قىزمەتكەرلەرى دۇكەن ديرەكتورىنان دەمالىس سۇراعانىن راستادى. تارتىپتىك جازا قولدانۋ ءتارتىبى بۇزىلعان, بۇيرىقتا جۇمىستان بوساتۋدىڭ نەگىزى كورسەتىلمەگە», دەلىنگەن سوت حابارلاماسىندا.
سوت كوپبالالى ايەلدىڭ تالاپ ارىزىن قاناعاتتاندىرىپ, جۇمىستان بوساتۋ تۋرالى بۇيرىق جارامسىز دەپ تانىلدى. ايەل بۇرىنعى قىزمەتىنە قايتا ورالدى.
«جابىرلەنۋشىنىڭ پايداسىنا جشس-نەن 895 520 تەڭگە كولەمىندە ەڭبەكاقى ءوندىرىلدى. سوت القاسىنىڭ قاۋلىسىمەن سوت شەشىمى وزگەرىسسىز قالدىرىلدى. جۇمىسىن قالپىنا كەلتىرۋ جانە جالاقى تولەۋ تۋرالى شەشىم دەرەۋ ورىندالۋى قاجەت», دەلىنگەن حابارلامادا.