مەملەكەت باسشىسى قاسىم-جومارت توقاەۆ تۇركىستان وبلىسىنا جۇمىس ساپارى بارىسىندا قوجا احمەت ياساۋي كەسەنەسىنە زيارات ەتتى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
پرەزيدەنتتىڭ تۇركىستان وبلىسىنا جۇمىس ساپارى قوجا احمەت ياساۋي كەسەنەسىنە زيارات ەتۋدەن باستالدى.
مەملەكەت باسشىسى اقىن, عۇلاما, بۇكىل تۇركى دۇنيەسىنە ورتاق رۋحاني ۇستاز قوجا احمەت ءياساۋيدىڭ جانە كەسەنە اۋماعىندا جەرلەنگەن باسقا دا تاريحي تۇلعالاردىڭ رۋحىنا تاعزىم ەتىپ, قۇران باعىشتادى.
قاسىم-جومارت توقاەۆقا يۋنەسكو-نىڭ دۇنيەجۇزىلىك مۇرالار تىزىمىنە ەنگەن كەسەنەدە جۇرگىزىلىپ جاتقان كەشەندى عىلىمي-زەرتتەۋ جۇمىستارى جونىندە باياندالدى.